लंडन
हॉलिवूड अभिनेत्री कायली जेनर हिच्या इन्स्टाग्राम अकाउंटवर सर्वात जास्त लाइक मिळालेल्या फोटोचा रेकॉर्ड तोडणाऱ्या युजिनी या तडे गेलेल्या अंड्याच्या पोस्टचे सत्य अखेर उघड झाले आहे. हे अंड्याचे फोटो मानसिक आरोग्याबाबत जनजागृती करण्याच्या उद्देशाने इन्स्टाग्रामवर पोस्ट करण्यात आले होते. अंड्याच्या पोस्टला आतापर्यंत ५.२ कोटी लाइक्स मिळाल्या आहेत.
The @world_record_egg या अकाउंटवरून ही पोस्ट इन्स्टाग्रामवर पोस्ट करण्यात आली होती. या पोस्टमध्ये ३० सेकंदाची कमर्शिअल जाहिरात देखील आहे. जर तुम्हाला मानसिक समस्या भेडसाव असतील तर कुणाशी तरी बोला, असे या पोस्टमध्ये लिहिण्यात आले आहे. या पोस्टमध्ये अंड्याचे एकूण ६ फोटो आहेत. या अंड्यांना अधिकाधिक तडे गेल्याचे दाखवण्यात आले आहे.
या पोस्टमध्ये एक व्हिडिओदेखील पाहायला मिळतो. या व्हिडिओत सुरुवातीला अंडे सांगते की, 'तुम्ही माझ्याबद्दल ऐकलेच असेल'. त्यानंतर हे अंडे संदेश देते की- जर तुमच्यावर सोशल मीडियाचा दबाव असेल, तर कुणाशी तरी बोला.'. हा व्हिडिओ १ कोटीहून अधिक लोकांनी पाहिला आहे.
या अंड्याचा पहिला फोटो ४ जानेवारीला पोस्ट करण्यात आला होता. 'चला, एक नवा रेकॉर्ड बनवून कायली जेनरच्या नावे असलेला १ कोटी ८० लाख लाइक्सचा रेकॉर्ड तोडून टाकू या', असे फोटोच्या कॅप्शनमध्ये लिहिले होते.
गेल्या वर्षी कायलीने अशा प्रकारची पोस्ट इन्स्टाग्रामवर पोस्ट केली होती. तिच्या नवजात मुलीने तिचा हात पकडल्याचे फोटोत दिसत आहे. तिच्या मुलीच्या फोटोला १.८० कोटी लाइक्स मिळाले होते. कायलीने गेल्या वर्षी फेब्रुवारीमध्ये मुलीचा फोटो पोस्ट केला होता. तिने लिहले होते, ' चला, या पोस्टला सर्व मिळून सर्वात जास्त लाइक्स देऊ या आणि ही पोस्ट एक जागतिक विक्रम बनवू या.' २१ वर्षीय कायलीकडे ६,३०० कोटी रुपये इतकी संपत्ती आहे. ती जगातील ५वी सर्वात श्रीमंतर सेलिब्रिटी आहे.
या अंड्याच्या पोस्टने कायलीचा विक्रम केवळ ९ दिवसांमध्ये तोडला आहे.
अंडे निवडीमागचा उद्देश 'हा' आहे
मानसिक आरोग्याबाबत बोलण्यासाठी अंड्याचीच निवड का केली?, या प्रश्नाचे उत्तर लंडनचे रहिवासी २९ वर्षीय क्रिस गॉडफ्रेय यांनी दिले आहे. अंड्यांला ना कोणते लिंग असते, ना धर्म असतो, ना जात. अंडे केवळ अंडे असते. ते सर्वमान्य आहे, असे क्रिस यांचे म्हणणे आहे. क्रिसने त्याचे अकाउंट तयार केले होते.
हॉलिवूड अभिनेत्री कायली जेनर हिच्या इन्स्टाग्राम अकाउंटवर सर्वात जास्त लाइक मिळालेल्या फोटोचा रेकॉर्ड तोडणाऱ्या युजिनी या तडे गेलेल्या अंड्याच्या पोस्टचे सत्य अखेर उघड झाले आहे. हे अंड्याचे फोटो मानसिक आरोग्याबाबत जनजागृती करण्याच्या उद्देशाने इन्स्टाग्रामवर पोस्ट करण्यात आले होते. अंड्याच्या पोस्टला आतापर्यंत ५.२ कोटी लाइक्स मिळाल्या आहेत.
The @world_record_egg या अकाउंटवरून ही पोस्ट इन्स्टाग्रामवर पोस्ट करण्यात आली होती. या पोस्टमध्ये ३० सेकंदाची कमर्शिअल जाहिरात देखील आहे. जर तुम्हाला मानसिक समस्या भेडसाव असतील तर कुणाशी तरी बोला, असे या पोस्टमध्ये लिहिण्यात आले आहे. या पोस्टमध्ये अंड्याचे एकूण ६ फोटो आहेत. या अंड्यांना अधिकाधिक तडे गेल्याचे दाखवण्यात आले आहे.
या पोस्टमध्ये एक व्हिडिओदेखील पाहायला मिळतो. या व्हिडिओत सुरुवातीला अंडे सांगते की, 'तुम्ही माझ्याबद्दल ऐकलेच असेल'. त्यानंतर हे अंडे संदेश देते की- जर तुमच्यावर सोशल मीडियाचा दबाव असेल, तर कुणाशी तरी बोला.'. हा व्हिडिओ १ कोटीहून अधिक लोकांनी पाहिला आहे.
या अंड्याचा पहिला फोटो ४ जानेवारीला पोस्ट करण्यात आला होता. 'चला, एक नवा रेकॉर्ड बनवून कायली जेनरच्या नावे असलेला १ कोटी ८० लाख लाइक्सचा रेकॉर्ड तोडून टाकू या', असे फोटोच्या कॅप्शनमध्ये लिहिले होते.
गेल्या वर्षी कायलीने अशा प्रकारची पोस्ट इन्स्टाग्रामवर पोस्ट केली होती. तिच्या नवजात मुलीने तिचा हात पकडल्याचे फोटोत दिसत आहे. तिच्या मुलीच्या फोटोला १.८० कोटी लाइक्स मिळाले होते. कायलीने गेल्या वर्षी फेब्रुवारीमध्ये मुलीचा फोटो पोस्ट केला होता. तिने लिहले होते, ' चला, या पोस्टला सर्व मिळून सर्वात जास्त लाइक्स देऊ या आणि ही पोस्ट एक जागतिक विक्रम बनवू या.' २१ वर्षीय कायलीकडे ६,३०० कोटी रुपये इतकी संपत्ती आहे. ती जगातील ५वी सर्वात श्रीमंतर सेलिब्रिटी आहे.
या अंड्याच्या पोस्टने कायलीचा विक्रम केवळ ९ दिवसांमध्ये तोडला आहे.
अंडे निवडीमागचा उद्देश 'हा' आहे
मानसिक आरोग्याबाबत बोलण्यासाठी अंड्याचीच निवड का केली?, या प्रश्नाचे उत्तर लंडनचे रहिवासी २९ वर्षीय क्रिस गॉडफ्रेय यांनी दिले आहे. अंड्यांला ना कोणते लिंग असते, ना धर्म असतो, ना जात. अंडे केवळ अंडे असते. ते सर्वमान्य आहे, असे क्रिस यांचे म्हणणे आहे. क्रिसने त्याचे अकाउंट तयार केले होते.