लंडन: जगभरातील २०० हून अधिक देशांमध्ये करोनाच्या संसर्गाने हाहाकार माजवला आहे. करोनाला अटकाव करण्यासाठी संशोधकांकडून लस विकसित करण्याचा प्रयत्न करण्यात येत आहे. जगभरातील नागरिकांचे लक्ष करोनाच्या लशीकडे लागले आहे. मात्र, करोनाच्या लशीची आवश्यकता सर्वांनाच लागणार नसल्याचे ऑक्सफोर्ड विद्यापीठाच्या प्राध्यापिका सुनेत्रा गुप्ता यांनी म्हटले आहे.
जगभरात करोनाच्या संसर्गाला अटकाव करण्यासाठी लस विकसित करण्यात येत आहे. यामध्ये ऑक्सफोर्ड विद्यापीठाने विकसित केलेल्या लस चाचणीच्या अंतिम टप्प्यात आली आहे. ऑक्सफोर्ड विद्यापीठाच्या प्राध्यापिका आणि एपिडेमोलॉजिस्ट सुनेत्रा गुप्ता यांनी 'हिंदुस्तान टाइम्स'ला दिलेल्या मुलाखतीत करोना लशी आवश्यकता सर्वांनाच भासणार नसल्याचे म्हटले आहे. प्रा. गुप्ता यांनी सांगितले की, सामान्य, निरोगी आणि जे वयस्कर नाहीत, सशक्त असलेल्या नागरिकांना करोना लशीची आवश्यकता भासणार नाही. त्यांच्यासाठी करोना हा एखाद्या तापाप्रमाणेच असेल. मात्र, वयस्कर, एकहून अधिक आजारांशी लढत असलेल्या नागरिकांना करोना लशी आवश्यकता भासू शकते. या लशीमुळे त्यांच्यात रोगप्रतिकारक शक्तीत वाढ होईल असेही त्यांनी सांगितले. करोनाची साथ एका टप्प्यानंतर नैसर्गिकपणे जाणार असून एका सामान्य तापाप्रमाणेच हा आजार राहणार असल्याचे त्यांनी सांगितले.
वाचा: करोना लस प्रतिकारक चाचण्यांच्या अचूकतेवर प्रश्नचिन्ह!
वाचा: काय म्हणावं...क्वारंटाइन सेंटरमध्ये सेक्स रॅकेट; अनेकांना करोनाची बाधा
करोनाच्या संसर्गावर नियंत्रण ठेवण्यासाठी अनेक देशांनी लॉकडाउनची घोषणा केली. मात्र, करोना नियंत्रणासाठी हे पुरेसं पाऊल नसल्याचेही त्यांनी सांगितले. लॉकडाउनमुळे करोनाच्या संसर्गाला दीर्घकाळ अटकाव करता येणार नाही. काही देशांनी लॉकडाउनमध्ये योग्य ती पावले उचलून करोना संसर्गावर नियंत्रण ठेवले. मात्र, लॉकडाउन हटवल्यानंतर बाधितांच्या संख्येत वाढ झाली असल्याचे त्यांनी म्हटले.
वाचा: धूम्रपान करणाऱ्यांनो सावधान; करोनामुळे मृत्यू ओढावण्याचा धोका!
जगभरात एक कोटी ८ लाखांहून अधिकजणांना करोनाची बाधा झाली आहे. त्यातील पाच लाख १९ हजारजणांचा मृत्यू झाला आहे. तर, ६१ लाखांहून अधिक रुग्णांनी करोनावर मात केली आहे. जगातील जवळपास ८१ देशांमध्ये करोनाची दुसरी लाट आली असल्याची परिस्थिती आहे. अमेरिकेत करोनाच्या संसर्गाने थैमान घातले असून २८ लाखांहून अधिकजणांना करोनाची बाधा झाली आहे.
वाचा: करोनावर लस: जाणून घ्या कोणत्या लशी आहेत अंतिम टप्प्यात
दरम्यान, जगभरातील अनेक देशांमध्ये करोना संसर्गाचा कहर सुरू आहे. काही मोजक्या देशांना करोनाच्या संसर्गावर नियंत्रण मिळवण्यास यश आले असले तरी अनेक देशांमध्ये करोनाचा संसर्ग फैलावला आहे. करोनाचा जोर ओसरणे तर दूर अद्याप संसर्गाने उच्चांक गाठला नसल्याचा इशारा जागतिक आरोग्य संघटनेने दिला आहे. जगभरातील देशांनी निर्देशांचे योग्य पालन न केल्यास करोनाचे संकट अधिकच गडद होणार असल्याचा इशारा जागतिक आरोग्य संघटनेने दिला आहे.
जगभरात करोनाच्या संसर्गाला अटकाव करण्यासाठी लस विकसित करण्यात येत आहे. यामध्ये ऑक्सफोर्ड विद्यापीठाने विकसित केलेल्या लस चाचणीच्या अंतिम टप्प्यात आली आहे. ऑक्सफोर्ड विद्यापीठाच्या प्राध्यापिका आणि एपिडेमोलॉजिस्ट सुनेत्रा गुप्ता यांनी 'हिंदुस्तान टाइम्स'ला दिलेल्या मुलाखतीत करोना लशी आवश्यकता सर्वांनाच भासणार नसल्याचे म्हटले आहे. प्रा. गुप्ता यांनी सांगितले की, सामान्य, निरोगी आणि जे वयस्कर नाहीत, सशक्त असलेल्या नागरिकांना करोना लशीची आवश्यकता भासणार नाही. त्यांच्यासाठी करोना हा एखाद्या तापाप्रमाणेच असेल. मात्र, वयस्कर, एकहून अधिक आजारांशी लढत असलेल्या नागरिकांना करोना लशी आवश्यकता भासू शकते. या लशीमुळे त्यांच्यात रोगप्रतिकारक शक्तीत वाढ होईल असेही त्यांनी सांगितले. करोनाची साथ एका टप्प्यानंतर नैसर्गिकपणे जाणार असून एका सामान्य तापाप्रमाणेच हा आजार राहणार असल्याचे त्यांनी सांगितले.
वाचा: करोना लस प्रतिकारक चाचण्यांच्या अचूकतेवर प्रश्नचिन्ह!
वाचा: काय म्हणावं...क्वारंटाइन सेंटरमध्ये सेक्स रॅकेट; अनेकांना करोनाची बाधा
करोनाच्या संसर्गावर नियंत्रण ठेवण्यासाठी अनेक देशांनी लॉकडाउनची घोषणा केली. मात्र, करोना नियंत्रणासाठी हे पुरेसं पाऊल नसल्याचेही त्यांनी सांगितले. लॉकडाउनमुळे करोनाच्या संसर्गाला दीर्घकाळ अटकाव करता येणार नाही. काही देशांनी लॉकडाउनमध्ये योग्य ती पावले उचलून करोना संसर्गावर नियंत्रण ठेवले. मात्र, लॉकडाउन हटवल्यानंतर बाधितांच्या संख्येत वाढ झाली असल्याचे त्यांनी म्हटले.
वाचा: धूम्रपान करणाऱ्यांनो सावधान; करोनामुळे मृत्यू ओढावण्याचा धोका!
जगभरात एक कोटी ८ लाखांहून अधिकजणांना करोनाची बाधा झाली आहे. त्यातील पाच लाख १९ हजारजणांचा मृत्यू झाला आहे. तर, ६१ लाखांहून अधिक रुग्णांनी करोनावर मात केली आहे. जगातील जवळपास ८१ देशांमध्ये करोनाची दुसरी लाट आली असल्याची परिस्थिती आहे. अमेरिकेत करोनाच्या संसर्गाने थैमान घातले असून २८ लाखांहून अधिकजणांना करोनाची बाधा झाली आहे.
वाचा: करोनावर लस: जाणून घ्या कोणत्या लशी आहेत अंतिम टप्प्यात
दरम्यान, जगभरातील अनेक देशांमध्ये करोना संसर्गाचा कहर सुरू आहे. काही मोजक्या देशांना करोनाच्या संसर्गावर नियंत्रण मिळवण्यास यश आले असले तरी अनेक देशांमध्ये करोनाचा संसर्ग फैलावला आहे. करोनाचा जोर ओसरणे तर दूर अद्याप संसर्गाने उच्चांक गाठला नसल्याचा इशारा जागतिक आरोग्य संघटनेने दिला आहे. जगभरातील देशांनी निर्देशांचे योग्य पालन न केल्यास करोनाचे संकट अधिकच गडद होणार असल्याचा इशारा जागतिक आरोग्य संघटनेने दिला आहे.