धक्कादायक! आईने स्वत: च्याच मुलाला २८ वर्ष कोंडून ठेवले

स्टॉकहोम: आपल्या मुलांवर प्रत्येक आई प्रेम करते. मुलांवर चांगले संस्कार करण्यापासून वाईट गोष्टींपासून दूर ठेवण्याचा प्रयत्न आई करते. मात्र काही आई आपल्या मुलांची अतिकाळजीदेखील करतात तर काहीजणी मुलांना अमानुष वागणूक देतात. अशीच एक घटना समोर आली आहे. एका आईने आपल्या मुलाला तब्बल २८ वर्ष एका खोलीत कोंडून ठेवले होते. या मुलाला १२ व्या वर्षी शाळेतून काढण्यात आले होते. त्यानंतर हा मुलगा २८ वर्ष एका खोलीत कैद होता.

स्वीडनची राजधानी स्टॉकहोममध्ये ही घटना समोर आली आहे. एका नातेवाईकामुळे हा प्रकार समोर आला असल्याचे अधिकाऱ्यांनी सांगितले. वृत्तानुसार, या मुलाचे वय सध्या ४१ वर्ष आहे. या मुलाचे १२ व्या वर्षीच शाळेतून नाव काढण्यात आले. त्यानंतर एका अपार्टमेंटमध्ये हा मुलगा कैद होता. मुलाच्या आईने आपण यात काहीही चुकीचो वागलो नसल्याचे म्हटले. सध्या मुलाला उपचारासाठी रुग्णालयात दाखल करण्यात आले आहे.

वाचा: इन्स्टाग्रामवर फोटो टाकणे महागात पडले; मॉडेलच्या घरी तीन कोटींचा दरोडा

वाचा: काय म्हणावं आता! लग्नात सासूकडून जावयाला एके-४७ रायफलची भेट

मुलाला कोंडून ठेवणाऱ्या महिलेची प्रकृती बरी नव्हती. त्यामुळे तिला रुग्णालयात दाखल करण्यात आले होते. या महिलेची एक नातेवाईक तिच्या प्रकृतीची विचारपूस करण्यासाठी घरी गेल्यानंतर तिला हा प्रकार लक्षात आला. ही नातेवाईक घरी गेल्यानंतर मुलाची दयनीय अवस्था पाहून तिला धक्काच बसला. हा मुलगा चालण्यासही असमर्थ होता. त्याला दातही नव्हते. त्याशिवाय त्याला व्यवस्थितपणे बोलताही येत नव्हते. त्या घराची अवस्था पाहून घर अनेक वर्षांपासून स्वच्छ करण्यात आले नव्हते असे दिसत होते. त्याशिवाय घरात दुर्गंध पसरला होता. घरात मोठ्या प्रमाणावर कचरा जमा झाला होता, अशी माहिती त्या नातेवाईकांने दिली.

वाचा: मोठी बातमी! फायजरच्या लशीला ब्रिटनची मंजुरी; पुढील आठवड्यापासून लस देणार?

पोलिसांनी मुलाला कोंडून ठेवणाऱ्या महिलेला अटक केली असून या प्रकरणाची चौकशी सुरू आहे. मुलावर रुग्णालयात उपचार सुरू आहेत. या महिलेने मुलाच्या अतिकाळजीपोटी त्याला कोंडून ठेवले असावे अशी शक्यता वर्तवण्यात येत आहे.