'एफसीआरआर'मध्ये नवी सुधारणा केंद्रीय गृह मंत्रालयाने विदेशी चलन विनिमय कायदा नियम (एफसीआरआर) २०११मध्ये नुकतीच सुधारणा केली. या सुधारणेंतर्गत संस्थेचे कार्यकारी अधिकारी, पदाधिकारी आणि सदस्य यांना स्वतंत्ररीत्या दहा रुपयांच्या स्टँप पेपरवर आपण धर्मांतर अथवा जातीय दंगल किंवा तणाव प्रकरणाशी निगडित नसल्याचे प्रतिज्ञापत्र लिहून द्यावे लागणार असून, ते नोटरीकडून साक्षांकित करून घ्यावे लागणार आहे; तसेच संस्था किंवा संस्थेतील एखाद्या व्यक्तीकडून नियमांचे उल्लंघन होत असल्याचे निदर्शनास आल्यास उर्वरीत सदस्यांनी केंद्र सरकारला तशी माहिती द्यावी, असे आवाहनही गृह मंत्रालयाने केले आहे. दरम्यान, यापूर्वी प्रतिज्ञापत्र देणे केवळ कार्यकारी आणि वरिष्ठ अधिकाऱ्यांनाच बंधनकारक होते. काय साध्य होईल? प्रतिज्ञापत्र देताना संस्थेतील प्रत्येकाला विदेशातून येणाऱ्या निधीचा वापर धर्मांतर, धार्मिक तणाव किंवा जातीय दंगल घडवून आणण्यासाठी केला जात नसल्याचे लिहून द्यावे लागणार आहे. त्यामुळे समाजात तेढ निर्माण करणाऱ्या घटनांना आळा बसण्यास मदत होणार आहे.
'एनजीओं'त नको जाती-धर्माचे रंग
'एफसीआरआर'मध्ये नवी सुधारणाकेंद्रीय गृह मंत्रालयाने विदेशी चलन विनिमय कायदा नियम (एफसीआरआर) २०११मध्ये नुकतीच सुधारणा केली...
महाराष्ट्र टाइम्स.कॉम 20 Sep 2019, 4:00 am