बेशुद्ध रुग्णासोबत कोणं असं करतं; नर्सने आधी नोकरी गमावली आणि मग पाहा काय झालं

लंडन : गुन्हेगारीच्या घटनांमध्ये मोठ्या प्रमाणात वाढ होत असताना आता आणखी एक धक्कादायक घटना समोर आली आहे. रुग्णालयात एका नर्सने रुग्णासोबत असं काही केलं की यामुळे खळबळ उडाली आहे. खरंतर, सध्याचं आयुष्य इतकं धावपळीचं झालं असताना कोणी कोणाला मदत करेल अशी आशाच उरली नाही. या प्रकरणातूनही असंच समोर येत आहे.

रुग्णालयात दाखल असलेल्या महिला रुग्णाचे तब्बल तीन लाख रुपये एका नर्सने चोरले. नर्सने आधी ८४ वर्षीय महिलेचे एटीएम कार्ड चोरले आणि नंतर तिच्याकडून पैसे काढून खरेदीला गेली. हे प्रकरण उघडकीस आल्यानंतर नर्सला नोकरीवरून काढून टाकण्यात आले. इतकंच नाहीतर तिला थेट तुरुंगवासाची शिक्षाही देण्यात आली.

Breaking News : रायगडनंतर मुंबई अलर्टवर! दिली २६/११ हल्ल्याची धमकी, पोलिसांना आला मेसेज
द मिररच्या वृत्तानुसार, वृद्ध महिलेला स्मृतिभ्रंश झाला होता. त्यांना उपचारासाठी रुग्णालयात दाखल करण्यात आले. दरम्यान, ५७ वर्षीय नर्स डोरोथी हॉवेलने महिलेचे एटीएम कार्ड चोरले आणि तिच्या खात्यातून २ लाख ८३ हजारांहून अधिक रुपये उडवले. महिला बेशुद्ध असताना नर्सने हे सगळं केलं असल्याचं समोर आलं आहे.

ब्रिटनमध्ये ही घटना समोर आली असून रुग्णाच्या एटीएम कार्डमधून पैसे चोरल्याप्रकरणी तिच्यावर कारवाई करण्यात आली होती. एटीएममधून पैसे काढल्याची तक्रार रुग्णाच्या नातेवाईकाने पोलिसात केली होती. त्यानंतर पोलिसांनी बँकेशी संपर्क साधला. तपासात समोर आलेल्या माहितीनुसार, आरोपी नर्सने तब्बल १२ वेळा महिलेच्या एटीएममधून पैसे काढले होते.