वृत्तसंस्था, गोमा (काँगो)
काँगो प्रजासत्ताक येथील गोमा शहरात एक छोटे विमान कोसळून झालेल्या भीषण अपघातात २३ जण ठार झाले. या सर्वांचे मृतदेह शोदणे पोलिसांना शक्य झाले आहे.
गोमा शहर हे दाट लोकवस्तीचे शहर आहे. डोर्नियर-२२८ जातीचे हे विमान बेनी शहराकडे जात होते. अचानक विमानात बिघाड होऊन ते एका वस्तीवर कोसळले. विमानात १९ प्रवासी होते, असे सांगण्यात आले. मात्र या अपघातात एकही प्रवासी वाचलेला नाही. हा अपघात सकाळी नऊ वाजण्याच्या सुमारास घडला.