मटा ऑनलाइन वृत्त। वॉशिंग्टन
ओसामा बिन लादेनचा मुलगा हमजा हा अलकायदा या दहशतवादी संघटनेला अधिक आक्रमक बनवून आपल्या बापाच्या मृत्यूचा बदला घेण्याच्या तयारीला लागला आहे. ही माहिती 'एफबीआय'चे माजी प्रतिनिधी अली सूफान यांनी 'सीबीएस' न्यूजशी बोलताना दिली आहे. पाकिस्तानातील ऐबटाबादमध्ये अमेरिकेने टाकलेल्या छाप्यांमध्ये काही वैयक्तिक पत्रे सापडली. या पत्रांच्या आधारे अली सूफान यांनी ही माहिती दिली आहे.
हमजा याचे वय २८ वर्षे इतके आहे. तो २२ वर्षांचा असताना त्याने हे पत्र लिहिले होते. आपल्या वडिलांना अनेक वर्षांपासून पाहिलेलेच नसल्याने त्याने हे पत्र लिहिल्याचे सांगितले जात आहे. हमजावर लादेनचा फार मोठा प्रभाव असल्याचे त्याने लिहिलेल्या पत्रावरून लक्षात येते असेही सूफान यांनी म्हटले आहे. लादेनची घातक विचारधारा स्वाकारण्यास हमजा उतावीळ असल्याचेही सूफान यांचे म्हणणे आहे.
अमेरिकी नौदलाच्या एका तुकडीने ताब्यात घेतलेले हे पत्र सार्वजनिक करण्यात आले आहे. 'मी पोलादापासून बनलो आहे असे मी मानतो' असे हमजाने या पत्रात लिहिले असल्याचे सूफान यांनी सीबीएसच्या '६० मिनिटे' या कार्यक्रमात बोलताना म्हटले आहे. केवळ अल्लाहसाठी आम्ही जिहादसाठी जगत आहोत असेही हमजा पत्रात म्हणाला आहे.
याच वर्षी जानेवारी महिन्यात अमेरिकेने हमजाला विशिष्ट रुपातील जागतिक दहशतवादी घोषित केले आहे. अमेरिकेने ओसामा बिन लादेनला देखील असेच म्हटले होते. गेल्या दोन वर्षांच्या काळात हमजाने ४ ऑडिओ मेसेज रेकॉर्ड केले आहेत.
या व्हिडिओमध्ये हमजा म्हणतो, ' अमेरिकी लोकांना, आम्ही येत आहोत आणि तुम्हाला हे जाणवेल. माझ्या वडिलांसोबत तुम्ही जे केले, इराक आणि अफगाणिस्तानात जे काही केलेत, त्याचा आम्ही बदला घेऊ.' २ मे २०११ ला अमेरिकेच्या एका कारवाईत ओसामा बिन लादेन मारला गेला होता.
ओसामा बिन लादेनचा मुलगा हमजा हा अलकायदा या दहशतवादी संघटनेला अधिक आक्रमक बनवून आपल्या बापाच्या मृत्यूचा बदला घेण्याच्या तयारीला लागला आहे. ही माहिती 'एफबीआय'चे माजी प्रतिनिधी अली सूफान यांनी 'सीबीएस' न्यूजशी बोलताना दिली आहे. पाकिस्तानातील ऐबटाबादमध्ये अमेरिकेने टाकलेल्या छाप्यांमध्ये काही वैयक्तिक पत्रे सापडली. या पत्रांच्या आधारे अली सूफान यांनी ही माहिती दिली आहे.
हमजा याचे वय २८ वर्षे इतके आहे. तो २२ वर्षांचा असताना त्याने हे पत्र लिहिले होते. आपल्या वडिलांना अनेक वर्षांपासून पाहिलेलेच नसल्याने त्याने हे पत्र लिहिल्याचे सांगितले जात आहे. हमजावर लादेनचा फार मोठा प्रभाव असल्याचे त्याने लिहिलेल्या पत्रावरून लक्षात येते असेही सूफान यांनी म्हटले आहे. लादेनची घातक विचारधारा स्वाकारण्यास हमजा उतावीळ असल्याचेही सूफान यांचे म्हणणे आहे.
अमेरिकी नौदलाच्या एका तुकडीने ताब्यात घेतलेले हे पत्र सार्वजनिक करण्यात आले आहे. 'मी पोलादापासून बनलो आहे असे मी मानतो' असे हमजाने या पत्रात लिहिले असल्याचे सूफान यांनी सीबीएसच्या '६० मिनिटे' या कार्यक्रमात बोलताना म्हटले आहे. केवळ अल्लाहसाठी आम्ही जिहादसाठी जगत आहोत असेही हमजा पत्रात म्हणाला आहे.
याच वर्षी जानेवारी महिन्यात अमेरिकेने हमजाला विशिष्ट रुपातील जागतिक दहशतवादी घोषित केले आहे. अमेरिकेने ओसामा बिन लादेनला देखील असेच म्हटले होते. गेल्या दोन वर्षांच्या काळात हमजाने ४ ऑडिओ मेसेज रेकॉर्ड केले आहेत.
या व्हिडिओमध्ये हमजा म्हणतो, ' अमेरिकी लोकांना, आम्ही येत आहोत आणि तुम्हाला हे जाणवेल. माझ्या वडिलांसोबत तुम्ही जे केले, इराक आणि अफगाणिस्तानात जे काही केलेत, त्याचा आम्ही बदला घेऊ.' २ मे २०११ ला अमेरिकेच्या एका कारवाईत ओसामा बिन लादेन मारला गेला होता.