अ‍ॅपशहर

काश्मीर प्रश्नी चर्चेतून मार्ग; पाक लष्करप्रमुख

काश्मीरप्रश्नी नेहमीच आक्रमक भूमिका घेणाऱ्या व दहशतवादी कारवायांना चिथावणी देणाऱ्या पाकिस्तानी लष्करानं अचानक नरमाईची भूमिका घेतली आहे. 'काश्मीर प्रश्न हा द्विपक्षीय चर्चेतून सुटू शकतो,' असं मत पाकिस्तानचे लष्करप्रमुख जनरल कमर जावेद बाजवा यांनी व्यक्त केलं आहे. पाकिस्तानी लष्कराच्या या बदलत्या भूमिकेमुळं आश्चर्य व्यक्त केलं जात आहे.

Omer Farooq Khan | Maharashtra Times 9 Sep 2017, 9:51 am
टाइम्स न्यूज नेटवर्क । इस्लामाबाद
महाराष्ट्र टाइम्स.कॉम pakistan army chief advocates dialogue on kashmir issue
काश्मीर प्रश्नी चर्चेतून मार्ग; पाक लष्करप्रमुख


काश्मीरप्रश्नी नेहमीच आक्रमक भूमिका घेणाऱ्या व दहशतवादी कारवायांना चिथावणी देणाऱ्या पाकिस्तानी लष्करानं अचानक नरमाईची भूमिका घेतली आहे. 'काश्मीर प्रश्न हा द्विपक्षीय चर्चेतून सुटू शकतो,' असं मत पाकिस्तानचे लष्करप्रमुख जनरल कमर जावेद बाजवा यांनी व्यक्त केलं आहे. पाकिस्तानी लष्कराच्या या बदलत्या भूमिकेमुळं आश्चर्य व्यक्त केलं जात आहे.

इस्लामाबादमध्ये आयोजित 'संरक्षण दिवस' निमित्त आयोजित कार्यक्रमात बाजवा बोलत होते. त्यावेळी त्यांनी काश्मीरबाबत नवी भूमिका मांडली. 'विकासासाठी शांतता आवश्यक आहे. दोन्ही देशांमध्ये कायमस्वरुपी शांतता राहणे हे दोन्हीकडील जनतेच्या हिताचं आहे. पाकिस्तानच्या नावानं बोटं मोडण्याऐवजी आणि काश्मिरींवर लष्कर थोपवण्याऐवजी भारतानं चर्चेतून मार्ग काढला पाहिजे,' असं बाजवा म्हणाले. मात्र, त्यांनी भारताचा थेट उल्लेख न करता 'शेजारचा देश' असं संबोधलं. आतापर्यंत कोणत्याही पाकिस्तानी लष्करप्रमुखांनी अशी भूमिका घेतली नव्हती.

'दक्षिण आशियात आम्ही अणवस्त्र आणली नाहीत. आमच्याकडील अणवस्त्रं ही शांततेसाठी आहेत. 'सुपर पॉवर' देशांनी सुरू केलेल्या युद्धाची किंमत आम्ही दहशतवाद, फुटीरतावाद आणि आर्थिक नुकसानीच्या रूपात मोजली आहे,' असं ते म्हणाले. पाकिस्तानच्या भूमीचा वापर इतर देशांविरोधातील कारवायांसाठी होऊ देणार नसल्याचंही त्यांनी स्पष्ट केलं.

दोन दिवसांपूर्वीच पाकिस्तानचे परराष्ट्र मंत्री ख्वाजा मोहम्मद आसिफ यांनी लष्कर-ए-तोयबा आणि जैश-ए-मोहम्मद या दहशतवादी संघटनांचे तळ पाकिस्तानात असल्याचं कबूल केलं होतं. त्यानंतर लगेचच बाजवा यांनी ही भूमिका मांडल्यानं तर्कवितर्कांना उधाण आलं आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज