पाकिस्तान दिवाळखोरीच्या उंबरठ्यावर? अर्थव्यवस्था संकटात; फोन, शँपू, सुखा मेव्याच्या आयातीवर बंदी

इस्लामाबादः श्रीलंकानंतर चीनसोबत मैत्री वाढवणाऱ्या पाकिस्तानही दिवाळखोरीच्या उंबरठ्यावर आहे. पाकिस्तानने देशाच्या ढासळत चाललेल्या अर्थव्यवस्थेला रोखण्यासाठी एक महत्त्वाचा निर्णय घेतला आहे. पाकिस्तानचे पंतप्रधान शाहबाज शरीफ यांनी गुरुवारी एक मोठा निर्णय घेतला आहे. पाकिस्तानने महागड्या व चैनीच्या वस्तूंच्या आयातीवर बंदी घातली आहे.

पंतप्रधान शाहबाज शरीफ यांनी गुरुवारी एक ट्विट केलं आहे. या ट्विटमध्ये त्यांनी मोठ्या घोषणा केल्या आहेत. ज्यानंतर पाकिस्तानी नागरिक पैसे असून देखील महागड्या परदेशी गाड्या, मोबाईल, चश्मा, शँम्पू, यासारख्या वस्तू खरेदी करु शकत नाही. पाकिस्तानचे सूचना मंत्री मरियम औरंगजेब यांनी दिलेल्या माहितीनुसार, देशाला आर्थिक संकटातून बाहेर काढण्यासाठी सरकारने आर्थिक योजना तयार केली आहे. या योजनेअंतर्गत सर्व अनावश्यक चैनींच्या वस्तूंच्या आयातीवर बंदी घालण्यात आली आहे.

वाचाः लालू यादव यांच्या पुन्हा अडचणी वाढल्या, CBI कडून १७ ठिकाणी छापेमारी; काय आहे नेमकं प्रकरण?

या घोषणेनंतर पंतप्रधान शाहबाज शरीफ यांनी एक ट्वीट केलं आहे. या ट्विटमध्ये त्यांनी परदेशी चलन बचतीबाबत म्हटलं आहे. आर्थिक दृष्ट्या समृद्ध असलेल्या नागरिकांना या प्रयोगात सहभाग घेण्याचं आवाहनही शाहबाज शरीफ यांनी केलं आहे. तसंच, माजी पंतप्रधान इम्रान खान यांच्यावरही त्यांनी टीका केली आहे. पीटीआय सरकारने मध्यमवर्गीय लोकांवर आर्थिक बोजा टाकला होता. त्यामुळं आम्ही घेतलेल्या या निर्णयामुळं मध्यमवर्गीयांना मदतच होईल. तसंच, या निर्णयामुळं पाकिस्तानमधील स्थानिक उद्योग व उत्पादकांनाही लाभ होईल, असा विश्वास शाहबाज शरीफ यांनी केला आहे.

पाकिस्तानची अर्थव्यवस्था पुन्हा पूर्ववत करण्यासाठी दिवस- रात्र काम करु. चैनीव महागड्या वस्तूंच्या आयातीवर बंदी घालण्याचा निर्णय घेण्यात आला आहे. या त्या वस्तू आहेत ज्याचा नागरिकांना फारसा उपयोग होत नाही. ही आणीबाणीची परिस्थिती असून पाक नागरिकांना आर्थिक योजनेत आपला सहभाग द्यावा लागेल. या निर्णयामुळं देशाचे ६ बिलियन डॉलरची बचत होईल, अशी माहिती मरियम औरंगजेब यांनी दिली आहे.

वाचाः जगभर धुमाकूळ घालणारा मंकीपॉक्स व्हायरस आहे तरी काय?; समलैंगिकांना अधिक धोका?

पाकिस्तान सरकारने या वस्तूंच्या आयातीवर निर्बंध लादले

महागड्या गाड्या
मोबाइल फोन
होम अप्लायंसेज
सुखा मेवा
फळ
अन्य खाद्यपदार्थ
क्रॉकरी
खासगी शस्त्रात्रे
चप्पल
झुंबर
दागिने आणि सजावटीचे सामान
दरवाजे आणि खिडकीचे फ्रेम
टिश्यू पेपर
मेकअपचे सामान
शँम्पू
परदेशी मिठाई
हिटर
सिगरेट
संगीत वाद्ये
चॉकलेट