वृत्तसंस्था, इस्लामाबाद
अल कायदा या दहशतवादी संघटनेचा म्होरक्या ओसामा बिन लादेन याला ठार करण्यासाठी अमेरिकेने पाकिस्तानशी हातमिळवणी केली होती, असा दावा अमेरिकेतील शोध पत्रकार सिमोर हेर्श यांनी पुन्हा केला आहे. या माहितीचा मात्र पाकिस्तानने स्पष्ट शब्दात इन्कार केला असून, पाकिस्तान सरकारला या कारवाईची काहीही माहिती नव्हती, असे म्हटले आहे.
डॉन या पाकिस्तानी वृत्तपत्राला माहिती देताना हेर्श यांनी लादेनवरील कारवाईसाठी पाकिस्तान आणि अमेरिकेत करार झाला होता, असा दावा केला. यापूर्वीही मागील वर्षी प्रसिद्ध झालेल्या एका लेखात हेर्श यांनी सर्वप्रथम हा दावा केला होता. यामुळे अमेरिकी सरकारही हादरले होते. या लेखातील माहिती खोटी असल्याचे सरकारने म्हटले होते; परंतु यानंतरही हेर्श यांनी या आठवड्यात प्रसिद्ध झालेल्या त्यांच्या ‘द किलिंग ऑफ ओसामा बिन लादेन’ या पुस्तकात याचा पुनरुच्चार केला आहे. ‘नेव्ही सील’ या अमेरिकेच्या विशेष ऑपरेशद्वारे २०११ मध्ये लादेनवर करण्यात आलेली कारवाई पाकिस्तानला आधीच माहिती होती, असेही हेर्श यांनी यावेळी सांगितले.
अल कायदा या दहशतवादी संघटनेचा म्होरक्या ओसामा बिन लादेन याला ठार करण्यासाठी अमेरिकेने पाकिस्तानशी हातमिळवणी केली होती, असा दावा अमेरिकेतील शोध पत्रकार सिमोर हेर्श यांनी पुन्हा केला आहे. या माहितीचा मात्र पाकिस्तानने स्पष्ट शब्दात इन्कार केला असून, पाकिस्तान सरकारला या कारवाईची काहीही माहिती नव्हती, असे म्हटले आहे.
डॉन या पाकिस्तानी वृत्तपत्राला माहिती देताना हेर्श यांनी लादेनवरील कारवाईसाठी पाकिस्तान आणि अमेरिकेत करार झाला होता, असा दावा केला. यापूर्वीही मागील वर्षी प्रसिद्ध झालेल्या एका लेखात हेर्श यांनी सर्वप्रथम हा दावा केला होता. यामुळे अमेरिकी सरकारही हादरले होते. या लेखातील माहिती खोटी असल्याचे सरकारने म्हटले होते; परंतु यानंतरही हेर्श यांनी या आठवड्यात प्रसिद्ध झालेल्या त्यांच्या ‘द किलिंग ऑफ ओसामा बिन लादेन’ या पुस्तकात याचा पुनरुच्चार केला आहे. ‘नेव्ही सील’ या अमेरिकेच्या विशेष ऑपरेशद्वारे २०११ मध्ये लादेनवर करण्यात आलेली कारवाई पाकिस्तानला आधीच माहिती होती, असेही हेर्श यांनी यावेळी सांगितले.