मटा ऑनलाइन वृत्त । इस्लामाबाद
सिंध प्रांतातील टांडो आदम शहरात ऊँ अक्षराची डिझाइन असलेल्या चपला विकल्या जात असल्याने त्यावरून गदारोळ माजला असून पाकिस्तानी हिंदू कौन्सिलने (पीएचसी) या चपलांवर तत्काळ बंदी घालण्यात यावी अशी मागणी केली आहे.
पीएमएल-एनचे नेते आणि पाकिस्तान हिंदू कौन्सिलचे प्रमुख डॉ. रमेश कुमार वांकवानी यांनी या चपलांविरोधात जोरदार आवाज उठवला आहे. टांडो शहरात गेल्या तीन वर्षांपासून राजरोसपणे या चपलांची विक्री केली जात आहे. ईदच्या मुहूर्तावर या चपला मुद्दामहून विकल्या जात असताना त्याकडे प्रशासन आणि सिंध प्रांताचं सरकार मात्र डोळेझाक करताना दिसत आहे. हा संपूर्ण प्रकार निषेधार्ह आहे, अशा शब्दांत वांकवानी यांनी आपली नाराजी व्यक्त केली.
ऊँ हा शब्द हिंदूंसाठी पवित्र आहे. त्यामुळे या शब्दाचा अपमान हा हिंदू धर्माचाच अपमान असून या प्रकाराने हिंदूंच्या भावना दुखावल्या आहेत. अशा प्रकारांकडे सरकारच डोळेझाक करत असेल तर त्यामुळे हिंदूंमध्ये भीती आणि असुरक्षिततेची भावना वाढेल, असे वांकवानी यांनी पुढे नमूद केले. ऊँ शब्दाच्या अवमानामुळे हिंदू नाराज आहेत. या नाराजीचा उद्रेक होऊन काही अनुचित प्रकार घडला तर त्याला सर्वस्वी सिंध सरकार जबाबदार असेल, असा इशाराही त्यांनी दिला.
पाकिस्तानच्या राज्यघटनेत अल्पसंख्याकांच्या सुरक्षेबाबत ठोस अशी व्यवस्था करण्यास सांगण्यात आलेलं आहे. असे असताना वेगवेगळ्या मार्गाने अल्पसंख्यकांवर होत असलेल्या अन्याय व अत्याचारावर सरकार मूग गिळून गप्प आहे, असा आरोपही वांकवानी यांनी केला.
सिंध प्रांतातील टांडो आदम शहरात ऊँ अक्षराची डिझाइन असलेल्या चपला विकल्या जात असल्याने त्यावरून गदारोळ माजला असून पाकिस्तानी हिंदू कौन्सिलने (पीएचसी) या चपलांवर तत्काळ बंदी घालण्यात यावी अशी मागणी केली आहे.
पीएमएल-एनचे नेते आणि पाकिस्तान हिंदू कौन्सिलचे प्रमुख डॉ. रमेश कुमार वांकवानी यांनी या चपलांविरोधात जोरदार आवाज उठवला आहे. टांडो शहरात गेल्या तीन वर्षांपासून राजरोसपणे या चपलांची विक्री केली जात आहे. ईदच्या मुहूर्तावर या चपला मुद्दामहून विकल्या जात असताना त्याकडे प्रशासन आणि सिंध प्रांताचं सरकार मात्र डोळेझाक करताना दिसत आहे. हा संपूर्ण प्रकार निषेधार्ह आहे, अशा शब्दांत वांकवानी यांनी आपली नाराजी व्यक्त केली.
ऊँ हा शब्द हिंदूंसाठी पवित्र आहे. त्यामुळे या शब्दाचा अपमान हा हिंदू धर्माचाच अपमान असून या प्रकाराने हिंदूंच्या भावना दुखावल्या आहेत. अशा प्रकारांकडे सरकारच डोळेझाक करत असेल तर त्यामुळे हिंदूंमध्ये भीती आणि असुरक्षिततेची भावना वाढेल, असे वांकवानी यांनी पुढे नमूद केले. ऊँ शब्दाच्या अवमानामुळे हिंदू नाराज आहेत. या नाराजीचा उद्रेक होऊन काही अनुचित प्रकार घडला तर त्याला सर्वस्वी सिंध सरकार जबाबदार असेल, असा इशाराही त्यांनी दिला.
पाकिस्तानच्या राज्यघटनेत अल्पसंख्याकांच्या सुरक्षेबाबत ठोस अशी व्यवस्था करण्यास सांगण्यात आलेलं आहे. असे असताना वेगवेगळ्या मार्गाने अल्पसंख्यकांवर होत असलेल्या अन्याय व अत्याचारावर सरकार मूग गिळून गप्प आहे, असा आरोपही वांकवानी यांनी केला.