पाहा व्हिडिओ: POK मध्ये स्थानिकांनी मंत्र्यांवर अंडी फेकली; बचावासाठी नेत्याचा गोळीबार

मुझफ्फराबाद: पाक व्याप्त काश्मीरमध्ये सध्या निवडणुकीचा प्रचार सुरू आहे. राजकीय पक्षांकडून जोरात निवडणूक प्रचार सुरू आहे. पाकिस्तानचे पंतप्रधान इम्रान खान यांच्या पक्षाने ही निवडणूक जिंकण्याचा चंग बांधला आहे. मात्र, त्याच वेळेस त्यांना लोकांच्या नाराजीचाही सामना करावा लागत आहे. इम्रान खान यांच्या जवळच्या दोन मंत्र्यांना लोकांच्या नाराजीचा फटका बसला. मुराद सईद आणि अली अमीन खान यांच्या ताफ्यावर स्थानिकांनी दगड आणि अंडी फेकली. लोकांच्या रोषापासून वाचण्यासाठी मंत्र्याने गोळीबार केला. या घटनेचा व्हिडिओ व्हायरल होत आहे.

पाकव्याप्त काश्मीर आणि गिलगिट-बाल्टिस्तानबाबतचे मंत्री अली अमीन आणि मुराद सईद हे गुरुवारी हट्टियन बाला भागामध्ये निवडणूक प्रचारसाठी आले होते. या भागातून पुढील नियोजित कार्यक्रमासाठी जात असताना मंत्र्यांच्या ताफ्यावर स्थानिकांनी अंडी फेकली. यावेळी लोकांनी त्यांना घेरण्याचाही प्रयत्न केला. लोकांच्या या आक्रमक भूमिकेनंतर मंत्री अमीन यांनी हवेत गोळीबार केला. त्यानंतर त्यांच्या ताफ्याला त्या ठिकाणाहून पुढे जाता आले. अली अमीन हे पाकव्याप्त काश्मीरमध्ये होणाऱ्या निवडणुकीसाठी इम्रान खान यांच्या पीटीआय या पक्षाचे प्रचार प्रमुख आहे.

वाचा: तालिबानबाबत पाकचे नापाक इरादे!; अफगाणिस्तान सरकारला धमकी



वाचा: मच्छिमारांच्या पोटावर पाय!; पाकिस्तानकडून चीनच्या मासेमारी नौका जप्त


वाचा: दहशतवादी हल्ल्यात पाकिस्तानचे ११ जवान ठार, काहींचे अपहरण

तर, इम्रान खान यांच्या पीटीआय पक्षाने हा हल्ला विरोधकांनी केला असल्याचा आरोप केला आहे. पीएमएल-एनच्या कार्यकर्त्यांनी दगडफेक केली असल्याचा आरोप पीटीआयने केला आहे. एक व्हिडिओ ट्विट करत पीटीआयने हे आरोप केले आहे.

वाचा: आमची मुले बिघडू नये म्हणून...; मलालाविरोधात पाकिस्तानमधील खासगी शाळांची मोहीम

पाकव्याप्त काश्मीरमधील निवडणूक जिंकण्यासाठी इम्रान खान यांनी जोर लावला आहे. तर, मरियम नवाज यांच्या पीएमएल-एन या पक्षाकडून त्यांना आव्हान मिळत आहे. मंत्री अमीन चार दिवसांच्या दौऱ्यावर आले आहेत. काही भागांमध्ये त्यांनी निवडणूक प्रचार सभाही घेतली. पाकिस्तानचे पंतप्रधान इम्रान खान यांनी काश्मीर मुद्या आंतरराष्ट्रीय पातळीवर उपस्थित करण्यास यश मिळवले असल्याचाही दावा केला.