वृत्तसंस्था, लाहोर
भष्टाचार प्रकरणी तुरुंगात असलेले पाकिस्तानचे माजी पंतप्रधान नवाझ शरीफ (वय ६९) यांना दुसऱ्या प्रकरणात पाकिस्तानातील 'नॅशनल अकाउंटिबिलिटी ब्युरो'ची (एनएबी) १४ दिवसांची कोठडी सुनावण्यात आली आहे. शरीफ यांच्याविरोधातील भ्रष्टाचाराचे हे तिसरे प्रकरण आहे.
लाहोर येथील कोट लखपत तुरुंगात शरीफ सध्या सात वर्षे कारावासाची शिक्षा भोगत आहेत. अल अजिजिया मिल्स कॉर्पोरेशन प्रकरणात त्यांना ही शिक्षा झाली होती. शुक्रवारी अधिकाऱ्यांनी शरीफ येना एनएबी कोर्टात हजर केले; तसेच त्यांच्या कोठडीची मागणी केली. एनएबीचे वकील हाफिज अवान यांनी शरीफ यांच्या १५ दिवसांच्या कोठडीची मागणी केली. चौधरी शुगर मिलच्या शेअरच्या खरेदी-विक्रीमध्ये झालेल्या गैरव्यवहारप्रकरणी शरीफ यांच्यावर आरोप ठेवण्यात आले आहेत. नवाज शरीफ, त्यांची मुलगी मरियम; तसेच युसुफ अब्बास हे चौधरी शुगर मिल्सचे थेट लाभार्थी आहेत. त्यांच्याकडे या मिलचे १ कोटी २० लाख शेअर्स असल्याचे तपास संस्थेने म्हटले आहे. या प्रकरणी कोर्टाने शरीफ यांना १४ दिवसांची 'एनएबी'ची कोठडी सुनावली. त्यांना २५ ऑक्टोबरला कोर्टात हजर करण्याचे आदेशही न्यायाधीशांनी दिले. त्यानंतर शरीफ यांना 'एनएबी'च्या लाहोर येथील मुख्यालयात चौकशीसाठी नेण्यात आले.
अल अजिजिया प्रकरणात संभाव्य जामीन मिळण्याच्या पार्श्वभूमीवर शरीफ यांना 'एनएबी'ने दुसऱ्या प्रकरणात अटक केली आहे, असा दावा शरीफ यांच्या पीएमएल-एन या पक्षाच्या नेत्याने केला. अल अजिजिया प्रकरणात शरीफ यांची सुटका होण्याची शक्यता असल्याने इम्रान खान सरकार उद्विग्न झाले आहे. त्यामुळेच शरीफ यांना दुसऱ्या खोट्या प्रकरणात गुंतवण्याचे आदेश सरकारने एनएबीला दिले आहेत,' असा आरोपही या नेत्याने केला.
भष्टाचार प्रकरणी तुरुंगात असलेले पाकिस्तानचे माजी पंतप्रधान नवाझ शरीफ (वय ६९) यांना दुसऱ्या प्रकरणात पाकिस्तानातील 'नॅशनल अकाउंटिबिलिटी ब्युरो'ची (एनएबी) १४ दिवसांची कोठडी सुनावण्यात आली आहे. शरीफ यांच्याविरोधातील भ्रष्टाचाराचे हे तिसरे प्रकरण आहे.
लाहोर येथील कोट लखपत तुरुंगात शरीफ सध्या सात वर्षे कारावासाची शिक्षा भोगत आहेत. अल अजिजिया मिल्स कॉर्पोरेशन प्रकरणात त्यांना ही शिक्षा झाली होती. शुक्रवारी अधिकाऱ्यांनी शरीफ येना एनएबी कोर्टात हजर केले; तसेच त्यांच्या कोठडीची मागणी केली. एनएबीचे वकील हाफिज अवान यांनी शरीफ यांच्या १५ दिवसांच्या कोठडीची मागणी केली. चौधरी शुगर मिलच्या शेअरच्या खरेदी-विक्रीमध्ये झालेल्या गैरव्यवहारप्रकरणी शरीफ यांच्यावर आरोप ठेवण्यात आले आहेत. नवाज शरीफ, त्यांची मुलगी मरियम; तसेच युसुफ अब्बास हे चौधरी शुगर मिल्सचे थेट लाभार्थी आहेत. त्यांच्याकडे या मिलचे १ कोटी २० लाख शेअर्स असल्याचे तपास संस्थेने म्हटले आहे. या प्रकरणी कोर्टाने शरीफ यांना १४ दिवसांची 'एनएबी'ची कोठडी सुनावली. त्यांना २५ ऑक्टोबरला कोर्टात हजर करण्याचे आदेशही न्यायाधीशांनी दिले. त्यानंतर शरीफ यांना 'एनएबी'च्या लाहोर येथील मुख्यालयात चौकशीसाठी नेण्यात आले.
अल अजिजिया प्रकरणात संभाव्य जामीन मिळण्याच्या पार्श्वभूमीवर शरीफ यांना 'एनएबी'ने दुसऱ्या प्रकरणात अटक केली आहे, असा दावा शरीफ यांच्या पीएमएल-एन या पक्षाच्या नेत्याने केला. अल अजिजिया प्रकरणात शरीफ यांची सुटका होण्याची शक्यता असल्याने इम्रान खान सरकार उद्विग्न झाले आहे. त्यामुळेच शरीफ यांना दुसऱ्या खोट्या प्रकरणात गुंतवण्याचे आदेश सरकारने एनएबीला दिले आहेत,' असा आरोपही या नेत्याने केला.