इस्लामाबाद, पाकिस्तान :
पाकिस्तानात एक अजब घटना घडल्याचं समोर येतंय. दही विकत घेण्यासाठी एका रेल्वे चालकानं चक्क मार्गावरच रेल्वे रोखल्याची माहिती 'डॉन' वृत्तसंस्थेकडून देण्यात आलीय. ही घटना समोर आल्यानंतर पाकिस्तानचे रेल्वेमंत्री आझम खान स्वाती यांनी तत्काळ रेल्वे चालकावर कारवाईचे निर्देश दिलेत. काहना रेल्वे स्टेशनजवळ ही घटना घडली. या घटनेचा एक व्हिडिओ सोशल मीडियावर व्हायरल झाला होता. या व्हिडिओत एक रेल्वे चालक रेल्वेट्रॅक जवळच असलेल्या एका दुकानातून दही खरेदी करण्यासाठी ट्रेन थांबवताना आढळून आला होता.
रेल्वेमंत्री आझम खान स्वाती यांनी रेल्वे चालक आणि त्याच्या सहाय्यकावर निलंबनाची कारवाई केलीय. रेल्वे चालक राणा मोहम्मद शहजाद याला निलंबित करण्याचे आदेश रेल्वेमंत्र्यांनी लाहोर प्रशासनाला दिले आहेत.
हा व्हिडिओ सोशल मीडियावरून समोर आल्यानंतर काही वेळातच व्हायरल झाला. त्यानंतर रेल्वे विभागाला टीकेलाही सामोरं जावं लागलं. याअगोदरही रेल्वे दुर्घटना, प्रवाशांची सुरक्षा आणि घटलेला महसूल यांसारख्या कारणांमुळे पाकिस्तान रेल्वे प्रशासनावर बऱ्याचदा टीका होत असते.
'भविष्यात अशा घटना खपवून घेतल्या जाणार नाहीत. राष्ट्रीय संपत्तीचा वैयक्तिक वापरासाठी कुणालाही परवानगी दिली जाणार नाही, अशी तंबीही रेल्वेमंत्र्यांनी या घटनेनंतर दिलीय.
या अगोदर पाकिस्तानात रेल्वे प्रवासादरम्यान, लोकोमोटिव चालक आणि त्यांच्या मदतनीसांवर मोबाइल फोन वापराची बंदी घालण्यात आली होती. चालकांना कामावर असताना सेल्फी घेणं, फोनवर व्हिडिओ किंवा ऑडिओ संदेश रेकॉर्ड करणं अशा गोष्टींवरदेखील बंदी घालण्यात आली होती. तसंच अशा घटनेत दोषी आढणाऱ्या रेल्वे कर्मचाऱ्यांवर तत्काळ कारवाई करण्याचे संबंधित विभागीय प्रमुखांना देण्यात आले होते.
पाकिस्तानात एक अजब घटना घडल्याचं समोर येतंय. दही विकत घेण्यासाठी एका रेल्वे चालकानं चक्क मार्गावरच रेल्वे रोखल्याची माहिती 'डॉन' वृत्तसंस्थेकडून देण्यात आलीय. ही घटना समोर आल्यानंतर पाकिस्तानचे रेल्वेमंत्री आझम खान स्वाती यांनी तत्काळ रेल्वे चालकावर कारवाईचे निर्देश दिलेत.
रेल्वेमंत्री आझम खान स्वाती यांनी रेल्वे चालक आणि त्याच्या सहाय्यकावर निलंबनाची कारवाई केलीय. रेल्वे चालक राणा मोहम्मद शहजाद याला निलंबित करण्याचे आदेश रेल्वेमंत्र्यांनी लाहोर प्रशासनाला दिले आहेत.
हा व्हिडिओ सोशल मीडियावरून समोर आल्यानंतर काही वेळातच व्हायरल झाला. त्यानंतर रेल्वे विभागाला टीकेलाही सामोरं जावं लागलं. याअगोदरही रेल्वे दुर्घटना, प्रवाशांची सुरक्षा आणि घटलेला महसूल यांसारख्या कारणांमुळे पाकिस्तान रेल्वे प्रशासनावर बऱ्याचदा टीका होत असते.
'भविष्यात अशा घटना खपवून घेतल्या जाणार नाहीत. राष्ट्रीय संपत्तीचा वैयक्तिक वापरासाठी कुणालाही परवानगी दिली जाणार नाही, अशी तंबीही रेल्वेमंत्र्यांनी या घटनेनंतर दिलीय.
या अगोदर पाकिस्तानात रेल्वे प्रवासादरम्यान, लोकोमोटिव चालक आणि त्यांच्या मदतनीसांवर मोबाइल फोन वापराची बंदी घालण्यात आली होती. चालकांना कामावर असताना सेल्फी घेणं, फोनवर व्हिडिओ किंवा ऑडिओ संदेश रेकॉर्ड करणं अशा गोष्टींवरदेखील बंदी घालण्यात आली होती. तसंच अशा घटनेत दोषी आढणाऱ्या रेल्वे कर्मचाऱ्यांवर तत्काळ कारवाई करण्याचे संबंधित विभागीय प्रमुखांना देण्यात आले होते.