क्वेटा: पाकिस्तानमधील बलुचिस्तानची राजधानी क्वेटामध्ये स्फोट झाला. या स्फोटात दोन पोलीस ठार झाले आहेत. तर, आठ जण जखमी झाले आहेत. हा स्फोट क्वेटातील प्रसिद्ध सेरेना हॉटेलजवळ झाला. हा स्फोट पोलिसांच्या वाहनाना लक्ष्य करून घडवण्यात आला असल्याची माहिती अधिकाऱ्यांनी दिली. एप्रिल महिन्यात या सेरेना हॉटेलमध्ये चिनी राजदूत थांबले होते. त्यावेळीही हॉटेलच्या पार्किंग भागात स्फोट झाला होता. स्फोटाच्या वेळी चिनी राजदूत हॉटेलमध्ये नव्हते.
रविवारी रात्रीच्या सुमारास हा स्फोट झाला. एका मोटारसायकलमध्ये बॉम्ब लावण्यात आल्याची माहिती बलुचिस्तान सरकारचे प्रवक्ते लियाकत शाहवानी यांनी दिली. जखमींवर रुग्णालयात उपचार सुरू आहेत. हा बॉम्बस्फोट झाल्यानंतर संपूर्ण भागामध्ये आणीबाणी जाहीर करण्यात आली. दहशतवादी बलुचिस्तानमधील शांतता भंग करण्याचा प्रयत्न करत असल्याचे त्यांनी म्हटले. शांतता असलेल्या बलुचिस्तानमध्ये भीतीचे वातावरण तयार करणाऱ्यांविरोधात कारवाई करण्यात येणार असल्याचे त्यांनी सांगितले.
बलुचिस्तानचे मुख्यमंत्री जाम कमाल खान यांनीदेखील या हल्ल्याचा निषेध केला. दहशतवादी प्रवृत्ती प्रांतातील शांतता भंग करू इच्छित असल्याचे त्यांनी म्हटले. या हल्ल्याचा तातडीने अहवाल सादर करण्याचे आदेश त्यांनी अधिकाऱ्यांना दिले आहे.
हा बॉम्बस्फोट बलुचिस्तान लिबरेशन आर्मीने केला असल्याची शक्यता वर्तवण्यात येत आहे. याआधीदेखील या संघटनेने चिनी अधिकारी, कर्मचाऱ्यांना लक्ष्य केले होते. त्याशिवाय मागील वर्षी कराची स्टॉक एक्सचेंजवर झालेल्या हल्ल्यामागे याच संघटनेचा हात असल्याचे म्हटले जाते.
रविवारी रात्रीच्या सुमारास हा स्फोट झाला. एका मोटारसायकलमध्ये बॉम्ब लावण्यात आल्याची माहिती बलुचिस्तान सरकारचे प्रवक्ते लियाकत शाहवानी यांनी दिली. जखमींवर रुग्णालयात उपचार सुरू आहेत. हा बॉम्बस्फोट झाल्यानंतर संपूर्ण भागामध्ये आणीबाणी जाहीर करण्यात आली. दहशतवादी बलुचिस्तानमधील शांतता भंग करण्याचा प्रयत्न करत असल्याचे त्यांनी म्हटले. शांतता असलेल्या बलुचिस्तानमध्ये भीतीचे वातावरण तयार करणाऱ्यांविरोधात कारवाई करण्यात येणार असल्याचे त्यांनी सांगितले.
बलुचिस्तानचे मुख्यमंत्री जाम कमाल खान यांनीदेखील या हल्ल्याचा निषेध केला. दहशतवादी प्रवृत्ती प्रांतातील शांतता भंग करू इच्छित असल्याचे त्यांनी म्हटले. या हल्ल्याचा तातडीने अहवाल सादर करण्याचे आदेश त्यांनी अधिकाऱ्यांना दिले आहे.
हा बॉम्बस्फोट बलुचिस्तान लिबरेशन आर्मीने केला असल्याची शक्यता वर्तवण्यात येत आहे. याआधीदेखील या संघटनेने चिनी अधिकारी, कर्मचाऱ्यांना लक्ष्य केले होते. त्याशिवाय मागील वर्षी कराची स्टॉक एक्सचेंजवर झालेल्या हल्ल्यामागे याच संघटनेचा हात असल्याचे म्हटले जाते.