‘कुलभूषण यांच्या आईला व्हिसा द्या’

वृत्तसंस्था, लाहोर

हेरगिरीच्या आरोपावरून पाकिस्तानच्या तुरुंगात असलेले व फाशीची शिक्षा सुनावण्यात आलेले कुलभूषण जाधव यांच्या बाबतीत पाकिस्तानने अमानवी भूमिका घेतली असताना तेथील एका प्रमुख दैनिकाने त्यांना खडे बोल सुनावले आहेत. कुलभूषण यांच्या आईला पाकिस्तानने व्हिसा मंजूर करावा, असे पाकिस्तानमधील डॉन या आघाडीच्या वर्तमानपत्राने म्हटले आहे.

लभूषण यांची आई आपल्या मुलाला भेटू इच्छित आहे. पाकिस्तानने मानवतेच्या दृष्टिकोनातून त्यांचा व्हिसा मंजूर करावा. यामुळे उभय देशांतील तणाव हलका होण्यासही मदत होईल, असे या वर्तमानपत्राने म्हटले आहे. कुलभूषण यांच्या आईचा व्हिसा मंजूर न केल्यास भारताकडून हा प्रश्न आंतरराष्ट्रीय न्यायालयात नक्कीच उपस्थित केला जाईल, याकडे या वर्तमानपत्राने लक्ष वेधले आहे.