इस्लामाबाद: करोनाच्या संकटाशी झुंजत असलेल्या पाकिस्तान आपल्या नागरिकांना दिलासा देण्याच्या स्थितीत नसल्याचे चित्र आहे. आर्थिक संकटात असलेल्या पाकिस्तानने आपल्या नागरिकांसाठी यावर्षी करोना लस खरेदी न करण्याचा निर्णय घेतला आहे. करोनाशी लढण्यासाठी पाकिस्तान हर्ड इम्युनिटी आणि चीन व कोवॅक्सकडून मदत म्हणून मिळणाऱ्या लशीवर अवलंबून असणार आहे.
पाकिस्तानच्या राष्ट्रीय आरोग्य सेवेचे सचिव आमिर अशरफ ख्वाजा यांनी गुरुवारी याबाबतची घोषणा केली. पाकिस्तानमधील वृत्तपत्र 'द डॉन'ने दिलेल्या वृत्तानुसार, चीनने विकसित केलेल्या कॅनसायनो लशीच्या एका डोसची किंमत जवळपास १३ डॉलर म्हणजे जवळपास २०४६ पाकिस्तानी रुपये आहे. पाकिस्तानच्या नॅशनल इन्स्टिट्यूट ऑफ हेल्थचे कार्यकारी संचालक मेजर जनरल आमिर इकराम यांनी सांगितले की, पाकिस्तान लशीसाठी चीनसारख्या मित्रांवर लशीसाठी अवलंबून आहे.
वाचा: पाकिस्तानमध्ये इम्रान खान सरकार धोक्यात? शनिवारी विश्वासदर्शक ठराव
वाचा: Explainer पाकिस्तानची श्रीलंकेला ऑफर; भारताची चिंता का वाढली?
पाकिस्तानला मागील महिन्यात चीनकडून लशीची पहिली खेप मिळाली. चिनी लशीच्या दोन लाख ७५ हजार डोस आरोग्य कर्मचाऱ्यांना देण्यात आल्या आहेत. पाकिस्तान आता लसीकरणाचा दुसरा टप्पा सुरू करणार आहे. या वर्षात पाकिस्तान आपल्या सात कोटी नागरिकांना करोना लस देण्यासाठी प्रयत्नशील आहे.
वाचा: करोना: 'या' लशीच्या दुसऱ्या डोसनंतर साइड इफेक्ट्समध्ये वाढ!
जागतिक आरोग्य संघटनेच्या पुढाकाराने सुरू झालेल्या कोवॅक्स योजनेतून भारतात उत्पादित झालेल्या ऑक्सफर्डच्या लशीचे एक कोटी ६० लाख डोस मिळणार आहे. भारतात उत्पादित झालेल्या लशीने पाकिस्तानमधील २० टक्के लोकांचे लसीकरण करण्यात येणार आहे.
पाकिस्तानची अर्थव्यवस्था संकटात असून मागील काही वर्षांमध्ये कर्जाच्या रक्कमेत वाढ झाली आहे. पाकिस्तानच्या नागरिकांवर दरडोई एक लाख ७५ हजार रुपयांचे कर्ज आहे. यापैकी ४६ टक्के कर्ज हे इम्रान खान सत्तेवर आल्यानंतर वाढले आहे.
पाकिस्तानच्या राष्ट्रीय आरोग्य सेवेचे सचिव आमिर अशरफ ख्वाजा यांनी गुरुवारी याबाबतची घोषणा केली. पाकिस्तानमधील वृत्तपत्र 'द डॉन'ने दिलेल्या वृत्तानुसार, चीनने विकसित केलेल्या कॅनसायनो लशीच्या एका डोसची किंमत जवळपास १३ डॉलर म्हणजे जवळपास २०४६ पाकिस्तानी रुपये आहे. पाकिस्तानच्या नॅशनल इन्स्टिट्यूट ऑफ हेल्थचे कार्यकारी संचालक मेजर जनरल आमिर इकराम यांनी सांगितले की, पाकिस्तान लशीसाठी चीनसारख्या मित्रांवर लशीसाठी अवलंबून आहे.
वाचा: पाकिस्तानमध्ये इम्रान खान सरकार धोक्यात? शनिवारी विश्वासदर्शक ठराव
वाचा: Explainer पाकिस्तानची श्रीलंकेला ऑफर; भारताची चिंता का वाढली?
पाकिस्तानला मागील महिन्यात चीनकडून लशीची पहिली खेप मिळाली. चिनी लशीच्या दोन लाख ७५ हजार डोस आरोग्य कर्मचाऱ्यांना देण्यात आल्या आहेत. पाकिस्तान आता लसीकरणाचा दुसरा टप्पा सुरू करणार आहे. या वर्षात पाकिस्तान आपल्या सात कोटी नागरिकांना करोना लस देण्यासाठी प्रयत्नशील आहे.
वाचा: करोना: 'या' लशीच्या दुसऱ्या डोसनंतर साइड इफेक्ट्समध्ये वाढ!
जागतिक आरोग्य संघटनेच्या पुढाकाराने सुरू झालेल्या कोवॅक्स योजनेतून भारतात उत्पादित झालेल्या ऑक्सफर्डच्या लशीचे एक कोटी ६० लाख डोस मिळणार आहे. भारतात उत्पादित झालेल्या लशीने पाकिस्तानमधील २० टक्के लोकांचे लसीकरण करण्यात येणार आहे.
पाकिस्तानची अर्थव्यवस्था संकटात असून मागील काही वर्षांमध्ये कर्जाच्या रक्कमेत वाढ झाली आहे. पाकिस्तानच्या नागरिकांवर दरडोई एक लाख ७५ हजार रुपयांचे कर्ज आहे. यापैकी ४६ टक्के कर्ज हे इम्रान खान सत्तेवर आल्यानंतर वाढले आहे.