अदीस अबाबा: करोनाच्या संसर्गाने जगभरात थैमान घातले आहे. काही देशांमध्ये नियंत्रणाची परिस्थिती निर्माण झाली असताना करोनाची दुसरी लाटदेखील आहे. करोनामुळे श्रीमंत आणि विकसित देश हतबल होत असताना गरीब देशांसमोर तर आव्हान आणखीच तीव्र आहे. करोनाचा फैलाव होऊ नये यासाठी इथियोपिया देशाने मास्कचा वापर अनिवार्य केला आहे. नियम मोडणाऱ्यांस दोन वर्षाच्या तुरुंगवासाची शिक्षा ठोठावण्यात येणार आहे.
करोनाच्या संसर्गाचे सर्वात मोठे आव्हान आफ्रिका खंडातील देशांसमोर असल्याचे म्हटले जाते. बहुतांशी आफ्रिकन देश गरीब असल्यामुळे आरोग्य व्यवस्थाही बळकट नाही. त्यामुळे अनेक देशांनी खबरदारी घेत कठोर उपाय आखण्यास सुरुवात केली. इथियोपिया देश लोकसंख्येच्या दृष्टीने आफ्रिका खंडातील दुसऱ्या क्रमांकाचा देश आहे. एप्रिल महिन्यातच इथियोपियामध्ये आणीबाणी लागू करण्यात आली होती. त्यानंतर सप्टेंबरमध्ये आणीबाणी मागे घेण्यात आली. मात्र, कठोर निर्बंध अद्यापही लागू आहेत. सार्वजनिक ठिकाणी वावरताना मास्क वापरणे अनिवार्य करण्यात आले आहे.
वाचा: US, फ्रान्समध्ये करोनाचा कहर: आतापर्यंतचे एका दिवसातील सर्वाधिक रुग्ण
इथियोपिया प्रशासनाने केलेल्या नियमांनुसार एकाच टेबलवर तीनपेक्षा अधिक व्यक्तिंना बसण्यास मनाई आहे. करोनाच्या संसर्गाबाबत अनेकजणांना गांभीर्य नसल्याचे सरकारने म्हटले आहे. लोक सतर्क नसल्यामुळे करोनाचा संसर्ग फैलावण्याचा अधिक धोका असल्याचे आरोग्यमंत्री लिआ टेडेज यांनी म्हटले.
वाचा: कोरियात 'करोना धुळी'चे वादळ!; किम यांनी दिले 'हे' आदेश
वाचा: फुंकर मारून होणार करोना चाचणी; ६० सेकंदात कळणार निकाल
इथियोपियामध्ये आतापर्यंत ९१ हजारजणांना करोनाची बाधा झाली आहे. तर, १४०० जणांचा मृत्यू झाला आहे. मात्र, करोनाची चाचणी कमी असल्यामुळे बाधितांबाबतचा खरा आकडा कळणे कठीण असल्याचे माध्यमांनी म्हटले आहे. करोना संसर्गाच्या पार्श्वभूमीवर इथियोपियाने या वर्षी ऑगस्ट महिन्यात होणाऱ्या निवडणुकाही स्थगित केल्या आहेत. इथियोपियाची लोकसंख्या ११ कोटी ५८ लाख असून नायजेरियाची सर्वाधिक लोकसंख्या आहे. नायजेरियाची लोकसंख्या २० कोटी ७६ लाख आहे.
करोनाच्या संसर्गाचे सर्वात मोठे आव्हान आफ्रिका खंडातील देशांसमोर असल्याचे म्हटले जाते. बहुतांशी आफ्रिकन देश गरीब असल्यामुळे आरोग्य व्यवस्थाही बळकट नाही. त्यामुळे अनेक देशांनी खबरदारी घेत कठोर उपाय आखण्यास सुरुवात केली. इथियोपिया देश लोकसंख्येच्या दृष्टीने आफ्रिका खंडातील दुसऱ्या क्रमांकाचा देश आहे. एप्रिल महिन्यातच इथियोपियामध्ये आणीबाणी लागू करण्यात आली होती. त्यानंतर सप्टेंबरमध्ये आणीबाणी मागे घेण्यात आली. मात्र, कठोर निर्बंध अद्यापही लागू आहेत. सार्वजनिक ठिकाणी वावरताना मास्क वापरणे अनिवार्य करण्यात आले आहे.
वाचा: US, फ्रान्समध्ये करोनाचा कहर: आतापर्यंतचे एका दिवसातील सर्वाधिक रुग्ण
इथियोपिया प्रशासनाने केलेल्या नियमांनुसार एकाच टेबलवर तीनपेक्षा अधिक व्यक्तिंना बसण्यास मनाई आहे. करोनाच्या संसर्गाबाबत अनेकजणांना गांभीर्य नसल्याचे सरकारने म्हटले आहे. लोक सतर्क नसल्यामुळे करोनाचा संसर्ग फैलावण्याचा अधिक धोका असल्याचे आरोग्यमंत्री लिआ टेडेज यांनी म्हटले.
वाचा: कोरियात 'करोना धुळी'चे वादळ!; किम यांनी दिले 'हे' आदेश
वाचा: फुंकर मारून होणार करोना चाचणी; ६० सेकंदात कळणार निकाल
इथियोपियामध्ये आतापर्यंत ९१ हजारजणांना करोनाची बाधा झाली आहे. तर, १४०० जणांचा मृत्यू झाला आहे. मात्र, करोनाची चाचणी कमी असल्यामुळे बाधितांबाबतचा खरा आकडा कळणे कठीण असल्याचे माध्यमांनी म्हटले आहे. करोना संसर्गाच्या पार्श्वभूमीवर इथियोपियाने या वर्षी ऑगस्ट महिन्यात होणाऱ्या निवडणुकाही स्थगित केल्या आहेत. इथियोपियाची लोकसंख्या ११ कोटी ५८ लाख असून नायजेरियाची सर्वाधिक लोकसंख्या आहे. नायजेरियाची लोकसंख्या २० कोटी ७६ लाख आहे.