यापुढे चिकन खाताना सावधान! शास्त्रज्ञांकडून घाबरवणारी माहिती, कोंबडीच्या गर्भात...

नवी दिल्ली: चिकन ही नॉन व्हेज खाणाऱ्यांची सर्वात आवडती गोष्ट आहे. पण, हेच चिकन कदाचित तुम्ही भविष्यात खाऊ शकणार नाही. कारण, शास्त्रज्ञांना कोंबडीच्या गर्भात प्लास्टिक आढळून आलं आहे. या प्लास्टिकचा गर्भावर मोठा वाईट परिणाम होतो आहे. यामुळे कोंबड्यांचा गर्भातील विकास खुंटतो आहे. जर आपण अशी कोंबडी खाल्ली तर त्याचा आपल्या शरीरावर वाईट परिणाम होईल. एका अभ्यासात ही घाबरवणारी माहिती पुढे आली आहे.

कोंबडीच्या गर्भात अत्यंत सूक्ष्म प्लास्टिक (नॅनोप्लास्टिक्स) आढळून आले आहे. तेही मोठ्या प्रमाणात, त्यामुळे कोंबड्यांच्या शरीरातील टिश्यूंचे नुकसान होत आहे. हे खरं तर खूप हानिकारक आहे. यामुळे केवळ कोंबडीच नाही तर माणसांनाही हृदयाशी संबंधित आजार होऊ शकतात. कारण, या मायक्रोप्लास्टिक्स किंवा नॅनोप्लास्टिकमुळे शरीरावर अनेक दुष्परिणाम होतात.

माणसांपासून पृथ्वी हिसकावून घ्यायला एलियन्स येताहेत! २६७१ मधून आलेल्या व्यक्तीचा दावा....
नेदरलँडमधील लीडेन विद्यापीठातील जीवशास्त्रज्ञ मीरू वांग यांनी हा अभ्यास केला आहे. त्यांनी फ्लोरोसेंट सूक्ष्मदर्शकाखाली चिकन गर्भाची तपासणी केली. कोंबडीच्या गर्भामध्ये नॅनोमीटर स्केलचे चमकणारे प्लास्टिकचे कण सापडले आहेत. हे एम्ब्रियोनिक गट वॉलच्या आत सर्वाधिक प्रमाणात आढळून आले आहेत. याशिवाय कोंबडीच्या शरीराच्या वेगवेगळ्या भागातही प्लास्टिकचे कण आढळून आले आहेत.


मीरू वांग यांनी सांगितले की, कोंबड्यांमध्ये सर्वाधिक पॉलिस्टीरिन कण आढळले आहेत. हे कण सहसा कोणत्याही सजीवाच्या शरीरात आढळत नाहीत. मात्र. कोंबडीच्या गर्भाच्या सुरुवातीच्या टप्प्यात प्लास्टिक सापडू लागले आहे. नॅनोप्लास्टिक्स साधारणपणे मायक्रोप्लास्टिकपेक्षा लहान असतात. हे सामान्यतः सिंथेटिक फॅब्रिक्स आणि प्लास्टिक मायक्रोफायबरमध्ये आढळतात किंवा प्लास्टिकचे मोठे तुकडे तुटून शरीराच्या आत येतात.

कोंबड्यांच्या शरीराच्या यकृत, मूत्रपिंड आणि आतड्यांमध्ये पॉलिस्टीरिन मायक्रोप्लास्टिक्स आढळून आले आहेत. यापूर्वी उंदरांच्या शरीरातही हे आढळून आले आहे. समुद्र आणि हवेतून आपल्या खाण्यापिण्यात प्लास्टिक मिसळत आहे. याआधीही मानवी फुफ्फुसं, रक्त आणि अगदी प्लेसेंटामध्ये प्लास्टिक सापडले आहे. त्यांच्याबद्दल अनेक अभ्यास झाले आहेत. प्लेसेंटामध्ये आढळून आलेल्या प्लास्टिकचा जन्मणाऱ्या मुलांवर परिणाम होतो. याने त्यांची आनुवंशिकता बदलते.

आपल्यासोबत मानवी वेशात वावरताहेत एलियन्स, ओळखणंही अवघड; UFO एक्सपर्टचा धक्कादायक दावा
शरीरात किंवा गर्भामध्ये प्लास्टिक मिसळल्यामुळे सजीवांच्या अवयवांचा योग्य विकास होत नाही. समुद्रात सापडणाऱ्या झेब्राफिशप्रमाणे. कोंबडीच्या भ्रूणामध्ये सापडलेल्या प्लास्टिकचा आकार २५ नॅनोमीटर होता. हे शरीराच्या स्टेम पेशींपर्यंत पोहोचत आहेत. यामुळे, स्टेम सेल शरीराच्या वेगवेगळ्या भागांच्या निर्मितीसाठी स्थलांतर करण्यास सक्षम नाही.

स्टेम सेलच्या आतील न्यूरल क्रेस्ट सेलमध्ये प्लास्टिक पोहोचले आहे. त्याद्वारे ते हृदय, रक्तवाहिन्या, चेहरा आणि मज्जासंस्थेमध्ये प्रवेश करत आहे. तपासण्यात आलेल्या कोंबड्यांचे डोळे बरोबर नव्हते. ते लहान होते. इतर कोंबड्यांचा चेहऱ्याचा आकार खराब झालेला होता. काहींच्या हृदयाचे स्नायू पातळ होते. तसेच, त्याच्या हृदयाचे ठोके देखील कमकुवत होते.

हा अभ्यास एन्व्हायर्नमेंट इंटरनॅशनलमध्ये प्रकाशित झाला आहे. प्लास्टिक आपल्या सजीवांची किंवा पर्यावरणाची कशी हानी करत आहे हे ते स्पष्ट करते. प्लास्टिकची धूळ हा सजीवांच्या आरोग्यासाठी सर्वात मोठा धोका आहे. ते हवेद्वारे सजीवांच्या शरीरात प्रवेश करत आहे. २०१८ मध्ये संपूर्ण जगात ३६ कोटी मेट्रिक टन प्लास्टिकचे उत्पादन झाले होते. २०२५ मध्ये हा आकडा दुप्पट होण्याची भीती आहे. याने सर्वाधिक धोका हा सजिवांना आहे.