चीनला आव्हान देण्यास नवी रणनीती

मटा ऑनलाइन वृत्त । मनीला

मनीला येथे सुरू असलेल्या आसियान संमेलनात आज सायंकाळच्या जेवणाच्या वेळी पंतप्रधान नरेंद्र मोदी आणि अमेरिकेचे राष्ट्राध्यक्ष डोनाल्ड ट्रम्प यांची भेट झाली. आसियानचा सुवर्णमहोत्सव साजरा होत आहे. यात सोमवारी पंतप्रधान मोदी आणि ट्रम्प यांची अधिकृत बैठक होणार आहे. चीनच्या वाढत्या दबदब्याला आव्हान देण्यासाठी भारत, अमेरिका, जपान आणि ऑस्ट्रेलिया या संमेलनाच्या निमित्ताने एकत्र आले आहेत.

हिंदी-प्रशांत महासागरातील क्षेत्रातले सहकार्य आणि येथील भविष्यकालिन स्थितीवर चर्चा करण्यासाठी या चारही देशांमध्ये रविवारी मनीला येथे पहिल्यांदा चतुष्कोनीय चर्चा झाली. चीन वन बेल्ट बन रोड (OBOR) च्या माध्यमातून जगावर आपला दबदबा वाढवण्याच्या तयारीत आहे. या पार्श्वभूमीवर ही बैठक महत्त्वाची मानली जात आहे.


Interacting with world leaders in Manila. pic.twitter.com/qh0pdcFyXP — Narendra Modi (@narendramodi) November 12, 2017
मोदींची ट्रम्प यांच्याशी झालेली ही दुसरी भेट आहे. यापूर्वी अमेरिकेत दोन्ही नेत्यांची प्रत्यक्ष भेट झाली होती. मोदी यांनी जपानचे पंतप्रधान शिंजो आबे, रशियाचे पंतप्रधान दिमित्री मेद्वेदेव आणि मलेशियाचे पंतप्रधान नजीब रझाक यांच्याशीही गप्पा मारल्या.

फिलिपीन्स या संमेलनाचा यजमान आहे. या गाला डिनरमध्ये सर्व राष्ट्रप्रमुख बारोंग तागलाँग परिधान करून सहभागी झाले होते. बारोंग तागलाँग हा एम्ब्रॉयडरी केलेला शर्ट फिलिपीन्सचा राष्ट्रीय पोषाख आहे.

मोदी आणि ट्रम्प यांच्यातली ही अनौपचारिक भेट होती. सोमवारी त्यांची दि्वपक्षीय बैठक होणार आहे.