मटा ऑनलाइन वृत्त। डर्बन ( दक्षिण आफ्रिका)
दक्षिण आफ्रिकेच्या दौऱ्यावर असलेल्या पंतप्रधान नरेंद्र मोदी यांनी आज एका ऐतिहासिक ट्रेनचा प्रवास करत राष्ट्रपिता महात्मा गांधी यांचे स्मरण केले. ज्या ठिकाणी महात्मा गांधी यांना वर्णभेदामुळे ट्रेनमधून उतरण्यास भाग पाडण्यात आलं होतं, त्या पिटरमारित्झबर्ग स्टेशनपर्यंत पंतप्रधान मोदी यांनी प्रवास करत महात्मा गांधींना आगळेवेगळे अभिवादन केले.
पंतप्रधान मोदी यांनी १५ मिनिटं हा संस्मरणीय प्रवास केला. प्रवासानंतर ते म्हणाले, ' ही तीच जागा आहे, जिथून एका व्यक्तीचा प्रवास संपला आणि एका महात्म्याचा प्रवास सुरू झाला.'
पराराष्ट्र मंत्रालयाचे प्रवक्ता विकास स्वरूप यांनी पंतप्रधान मोदी यांच्या या प्रवासाबद्दलची माहिती ट्विटरच्या माध्यमातून जाहीर केली. स्वरूप आपल्या ट्विटमध्ये म्हणाले, ' महात्मा गांधींच्या आठवणींचे स्मरण करत आपल्या दक्षिण आफ्रिकेच्या दौऱ्याच्या दुसऱ्या दिवशी पंतप्रधान पेंट्रिचमधील पिटरमारित्झबर्गला जाण्यासाठी ट्रेन पकडत असताना...!'
दक्षिण आफ्रिकेच्या आपल्या दौऱ्याला पंतप्रधान मोदी यांनी तिर्थयात्रेची उपमा दिली आहे. मोदी म्हणाले, ' दक्षिण आफ्रिकेचा दौरा माझ्यासाठी तिर्थयात्रा आहे. भारताच्या इतिहासात आणि महात्मा गांधींच्या जीवनात ज्या तीन ठिकाणांचे महत्त्वपूर्ण योगदान आहे त्या दक्षिण आफ्रिकेतील तीनही ठिकाणांना मी भेटी दिल्या.'
दक्षिण आफ्रिकेच्या दौऱ्यावर असलेल्या पंतप्रधान नरेंद्र मोदी यांनी आज एका ऐतिहासिक ट्रेनचा प्रवास करत राष्ट्रपिता महात्मा गांधी यांचे स्मरण केले. ज्या ठिकाणी महात्मा गांधी यांना वर्णभेदामुळे ट्रेनमधून उतरण्यास भाग पाडण्यात आलं होतं, त्या पिटरमारित्झबर्ग स्टेशनपर्यंत पंतप्रधान मोदी यांनी प्रवास करत महात्मा गांधींना आगळेवेगळे अभिवादन केले.
पंतप्रधान मोदी यांनी १५ मिनिटं हा संस्मरणीय प्रवास केला. प्रवासानंतर ते म्हणाले, ' ही तीच जागा आहे, जिथून एका व्यक्तीचा प्रवास संपला आणि एका महात्म्याचा प्रवास सुरू झाला.'
पराराष्ट्र मंत्रालयाचे प्रवक्ता विकास स्वरूप यांनी पंतप्रधान मोदी यांच्या या प्रवासाबद्दलची माहिती ट्विटरच्या माध्यमातून जाहीर केली. स्वरूप आपल्या ट्विटमध्ये म्हणाले, ' महात्मा गांधींच्या आठवणींचे स्मरण करत आपल्या दक्षिण आफ्रिकेच्या दौऱ्याच्या दुसऱ्या दिवशी पंतप्रधान पेंट्रिचमधील पिटरमारित्झबर्गला जाण्यासाठी ट्रेन पकडत असताना...!'
दक्षिण आफ्रिकेच्या आपल्या दौऱ्याला पंतप्रधान मोदी यांनी तिर्थयात्रेची उपमा दिली आहे. मोदी म्हणाले, ' दक्षिण आफ्रिकेचा दौरा माझ्यासाठी तिर्थयात्रा आहे. भारताच्या इतिहासात आणि महात्मा गांधींच्या जीवनात ज्या तीन ठिकाणांचे महत्त्वपूर्ण योगदान आहे त्या दक्षिण आफ्रिकेतील तीनही ठिकाणांना मी भेटी दिल्या.'