पोर्तुगालमध्ये आगीत ५७ मृत्युमुखी

मटा आनलाइन वृत्त । पेनेला (पोर्तुगाल)

मध्य पोर्तुगालच्या पिदरॉगो ग्रांडे येथील जंगलाला लागलेल्या भीषण आगीत ५७ जणांचा होरपळून मृत्यू झाला, तर ५९ जण भाजून जखमी झाले आहेत.

आगीच्या भीतीने मोटारीतून पळून जाताना बहुतेकांचा मोटार जळून मृत्यू झाल्याची माहिती पोर्तुगालच्या गृह मंत्रालयाने रविवारी दिली. दिरॉगो ग्रांडेच्या महापौरांनी दिलेल्या माहितीनुसार, ‘या भागातील जंगलात आग लागण्याच्या घटना कायम घडतात. मात्र, इतक्या मोठ्या प्रमाणावर यापूर्वी आग लागली नव्हती. शनिवारी दुपारी दोन वाजता आग लागली असून, आगी मागील नेमके कारण कळू शकले नाही. अनेक ठिकाणी आग लागल्यामुळे नियंत्रण मिळविणे कठीण बनले आहे.’