इराण-इराक सीमेवर भूकंप

मटा ऑनलाइन वृत्त | तेहरान

इराण-इराक सीमेवरील परिसर रविवारी रात्री भूकंपाने हादरला. यात २०७ हून अधिक लोकांचा मृत्यू झाला. तर १७०० लोक गंभीर जखमी झाले आहेत. या भूकंपाची तीव्रता ७.३ रिश्टर स्केल इतकी होती.

कुर्दीस्तानपासून जवळ असलेल्या पेंजविन परिसरात भूकंपाचा केंद्रबिंदू होता. इराकच्या उत्तरेकडील भाग आणि राजधानी बगदादला सर्वाधिक फटका बसला. इराण सीमेवरील गावांमध्ये मोठे नुकसान झाले आहे. इराणमधील एका वृत्तसंस्थेच्या माहितीनुसार, देशातील १४ राज्यांना भूकंपाचा तडाखा बसला. या सर्व राज्यांमधील शाळा आणि महाविद्यालये बंद ठेवण्याची घोषणा अधिकाऱ्यांनी केली आहे. इराणमध्ये याआधी २००३ मध्ये भूकंपात २६ हजार लोक मृत्युमुखी पडले होते.
Kurdistan's coordination center asks for medical teams to support local efforts in #Sulaimani #earthquake @JccKrg https://t.co/zSDmD8bXXA pic.twitter.com/SzjgzRhYbU — Rudaw English (@RudawEnglish) November 12, 2017