वृत्तसंस्था, तेहरान
इराण आणि इराक यांच्या सीमेवर रविवारी रात्री झालेल्या ७.३ रिश्टरच्या शक्तिशाली भूकंपामुळे दोन्ही देशांतील ४००हून अधिक जण मृत्युमुखी पडले.भूमध्य समुद्राच्या किनाऱ्यापर्यंत या भूकंपाचे धक्के जाणवले.
इराणच्या पश्चिम भागातील करमनशाह या डोंगराळ प्रांताला या भूकंपाचा सर्वाधिक फटका बसला असून येथे ४०७ लोक मृत्युमुखी पडल्याचे, तर सहा हजारांहून अधिक जखमी झाल्याचे यंत्रणांनी सांगितले. तर इराकच्या उत्तर कुर्दीश भागात सात जण मृत्युमुखी पडले, तर पाचशेहून अधिक जखमी झाले.
या भूकंपाचा केंद्रबिंदू पूर्व इराकमधील हलबजा शहरापासून ३१ किलोमीटरवर होता, असे अमेरिकेच्या जिऑलॉजिकल सर्व्हेने जाहीर केले आहे. जमिनीच्या पृष्ठभागापासून २३.२ किमी खोलीवर हा धक्का बसला. इराण आणि इराकमधील सोशल मीडियावर व्हायरल झालेला व्हिडीओ आणि माहिती यांमध्ये भूकंपाचे सुमारे १०० धक्के बसल्याचे म्हटले आहे.
इराण आणि इराक यांच्या सीमेवर रविवारी रात्री झालेल्या ७.३ रिश्टरच्या शक्तिशाली भूकंपामुळे दोन्ही देशांतील ४००हून अधिक जण मृत्युमुखी पडले.भूमध्य समुद्राच्या किनाऱ्यापर्यंत या भूकंपाचे धक्के जाणवले.
इराणच्या पश्चिम भागातील करमनशाह या डोंगराळ प्रांताला या भूकंपाचा सर्वाधिक फटका बसला असून येथे ४०७ लोक मृत्युमुखी पडल्याचे, तर सहा हजारांहून अधिक जखमी झाल्याचे यंत्रणांनी सांगितले. तर इराकच्या उत्तर कुर्दीश भागात सात जण मृत्युमुखी पडले, तर पाचशेहून अधिक जखमी झाले.
या भूकंपाचा केंद्रबिंदू पूर्व इराकमधील हलबजा शहरापासून ३१ किलोमीटरवर होता, असे अमेरिकेच्या जिऑलॉजिकल सर्व्हेने जाहीर केले आहे. जमिनीच्या पृष्ठभागापासून २३.२ किमी खोलीवर हा धक्का बसला. इराण आणि इराकमधील सोशल मीडियावर व्हायरल झालेला व्हिडीओ आणि माहिती यांमध्ये भूकंपाचे सुमारे १०० धक्के बसल्याचे म्हटले आहे.