इन्स्टाग्रामवर फोटो टाकणे महागात पडले; घरी तीन कोटींचा दरोडा

हाँगकाँग: सोशल मीडियावर आपले फोटो शेअर करणे हे अनेकांसाठी आनंद देणारी बाब असते. मात्र, कधी कधी सोशल मीडियावर फोटो टाकणे हे महागात पडू शकते. हाँगकाँगमधील एका मॉडेलला याचा चांगलाच अनुभव आला. सोशल मीडिया इन्फ्लूएन्सर आणि मॉडेल सो मियान हिने फोटो शेअर केल्यानंतर तिच्या घरावर दरोडा पडला. चोरट्यांनी तीन कोटीं रुपयांचा मुद्देमाल, रोख रक्कमेवर डल्ला मारला.

काही दिवसांपूर्वीच सो मियानने सोशल मीडिा एक फोटो शेअर केला होता. या फोटोत मात्र, तिच्याकडे असणाऱ्या महागड्या, ब्रॅण्डेड वस्तूंसह रोख रक्कमही दिसत होती. हा फोटो शेअर केल्यानंतर काही दिवसांत तिच्या घरी तीन अज्ञात व्यक्तींनी घुसखोरी केली. सो मियानला चाकू धाक दाखवत तिला खुर्चीवर बांधून ठेवले आणि घरातील अनेक महागड्या वस्तू चोरल्या असल्याचे समोर आले आहे.

वाचा: काय म्हणावं आता! लग्नात सासूकडून जावयाला एके-४७ रायफलची भेट

सो मियान ही हाँगकाँगची सुप्रसिद्ध मॉडेल आहे. तिने सांगितले की, मंगळवारी सकाळी १ वाजण्याच्या सुमारास दरोडेखोर घरी आले होते. त्यांनी मियान आणि तिच्या बाळाला बांधून ठेवले होते. दरोडेखोरांचा प्रतिकार करत असल्यामुळे मियानला मारहाण करण्यात आल्याची माहिती पोलिसांनी दिली. मियानच्या घरातून चार लाख डॉलर ( जवळपास दोन कोटी, ९४ लाख, ३५ हजार) किंमतीच्या वस्तू, रक्कम चोरी करण्यात आल्याची माहिती पोलिसांनी दिली.

वाचा: काळजी घ्या! नाकावाटे मेंदूपर्यंत पोहचतोय करोनाचा विषाणू

Explainer ऑक्सफर्डच्या तुलनेत फायजरची लस प्रभावी; तरीही भारतात उपलब्ध होणार नाही?

पोलिसांनी सांगितले की, दरोडेखोरांनी चोरी केलेल्या वस्तूंमध्ये १० हॅण्डबॅग, सात घड्याळे, एक लॅपटॉप आणि दोन मोबाइल फोनचा समावेश आहे. सो मियान ही बेडरूममध्ये झोपली होती. आवाज आल्यामुळे ती लिव्हींग रुममध्ये गेली. त्यावेळी तीन दरोडेखोर घरात शिरले असल्याचे तिला दिसले. त्यांनी टोपी आणि चेहऱ्यावर मास्क लावला होता. त्याशिवाय त्यांच्या हातात चाकू आणि रॉड होता. चोरांचे वय ४० ते ५० या वयोगटातील होते, अशी माहिती मियानने दिली. लहान बाळाला, घर कामगार आणि मला त्या दरोडेखोरांनी मारहाण केली असल्याचे मियानने सांगितले. या घटनेच्या एक दिवसआधीदेखील दरोडेखोरांनी घरात शिरण्याचा प्रयत्न केला होता, अशी माहिती पोलिसांनी दिली. या प्रकरणी पोलीस अधिक तपास करत आहेत.