रशिया यूक्रेन युद्धावर अमेरिकेच्या परराष्ट्र मंत्र्यांचं वक्तव्य, पुतीन यांच्या अपयशावर बोट

कीव : रशिया (Russia) आणि यूक्रेन (Ukraine) यांच्यातील युद्धाला दोन महिन्यांचा कालावधी पूर्ण झालेला आहे. अमेरिकेचे संरक्षण मंत्री लॉइड ऑस्टीन आणि परराष्ट्र मंत्री अँटनी ब्लिंकेन (Antony Blinken) यांनी यूक्रेनचे राष्ट्रपती वोलोदिमीर झेलेन्स्की यांची भेट घेतली. या भेटीनंतर अँटनी ब्लिंकेन यांनी रशियानं युद्ध ज्या उद्देशानं सुरु केलं होतं ते पूर्ण करण्यात अपयशी झाला आहे, असं म्हटलं. याचवेळी यूक्रेन त्यांच्या उद्देशात यशस्वी झाल्याचं देखील ते म्हणाले.
Sharad Pawar: धार्मिक भावना आपल्या अंत:करणात आणि घरातच ठेवाव्यात: शरद पवार
रशियानं यूक्रेन विरोधात युद्ध सुरु केल्यानंतर अमेरिकेच्यावतीनं अँटनी ब्लिंकेन आणि लॉइड ऑस्टीन यांनी राष्ट्रपती वोलोदिमीर झेलेन्स्की यांची भेट घेण्यात आली. ब्लिंकेन यांनी यूक्रेनला ३० कोटी अमेरिकन डॉलरचंच परकीय लष्करी वित्तपुरवठ्याद्वारे देणार असल्याचं म्हटलं. तर, १६.५ कोटी रुपयांच्या शस्सस्त्र खरेदीला विक्री करण्यास मंजुरी दिली, असल्याची माहिती ब्लिंकेन यांनी दिली आहे.

ब्लिंकेन यांनी पोलंड यूक्रेन सीमजेवळ पत्रकारांशी संवाद साधला. आम्हाला यूक्रेन सरकार आणि यूक्रेनच्या लोकांना पाठिंबा देण्याची संधी मिळाली आहे. आमची झेलेन्स्की यांच्यासोबत तीन तास चर्चा झाल्याचं ब्लिंकेन यांनी म्हटलं आहे. रशिया आणि यूक्रेन यांच्यातील यद्ध सुरु झाल्यानंतर दोन महिन्यानंतर अमेरिकेचे प्रतिनिधी यूक्रेनमध्ये पोहोचले. अमेरिकेच्या अधिकाऱ्यांच्या यूक्रेन भेटीवर रशियाकडून कोणती प्रतिक्रिया असेल हे येत्या काळात समोर येणार आहे.
France Election Result : इम्यॅनुएल मॅक्रॉन यांच्यासमोर नवं आव्हान, संसदीय निवडणुकीच्या निमित्तानं पहिली परीक्षा जूनमध्ये
यूक्रेनला विविध देशांच्या नेत्यांच्या भेटी
यूक्रेनला पाठिंबा देण्यासाठी ब्रिटनचे पंतप्रधान बोरिस जॉन्सन, स्पेनचे पंतप्रधान आणि डेन्मार्कचे पंतप्रधान कीवमध्ये आले होते. राष्ट्रपती वोलोदिमीर झेलेन्स्की यांची भेट घेत आम्ही यूक्रेनसोबत आहोत हा संदेश रशियाला देण्याचा प्रयत्न करण्यात आला होता. याशिवाय इतर यूरोपियन देशांच्या उच्चपदस्थ अधिकाऱ्यांनी देखील यूक्रेनचा दौरा केला होता. त्या भेटीमुळं अमेरिकेनं देखील त्यांचे उच्चपदस्थ अधिकारी यूक्रेनमध्ये पाठवावेत यासाठी दबाव वाढला होता. अखेर शनिवारी यूक्रेनचे राष्ट्रपती वोलोदिमीर झेलेन्स्की आणि अमेरिकेचे परराष्ट्रमंत्री अँटनी ब्लिंकेन आणि संरक्षणमंत्री लॉइड ऑस्टिन यांची भेट झाली होती.