वृत्तसंस्था, मॉस्को
भारताने ‘मिग ३५’ लढाऊ विमाने विकत घेण्याचे संकेत दिले असून, हे विमान भारताला देण्यासाठी रशिया उत्सुक आहे, असे ‘मिग कॉर्पोरेशन’चे महासंचालक इलिया टारासेंको यांनी सांगितले. भारताच्या गरजा समजून घेण्यात येत असून, अमेरिकेच्या एफ-३५पेक्षा ही विमाने सरस असल्याचा दावा त्यांनी केला आहे.
‘मिग ३५’ हे रशियाच्या अत्याधुनिक लढाऊ विमानांपैकी एक असून, हे विमान संरक्षण दलांमध्ये दाखल होण्यासाठी सज्ज असल्याचे रशियाने जानेवारीमध्येच सांगितले आहे. त्यानंतर भारत आणि अन्य देशांना हे विमान विकण्यासाठी रशियाकडून प्रयत्न करण्यात येत आहेत. लॉकहीड मार्टिनच्या एफ-३५ विमानांपेक्षा मिग-३५ हे विमान खूपच सरस असून, आकाशातील युद्धामध्ये ते ‘एफ-३५’ला सहज धूळ चारेल, असा विश्वास टारासेंको यांनी व्यक्त केला. ‘भारतीय हवाई दलाच्या संपर्कात असून, लढाऊ विमानांची निविदा जिंकण्यासाठी पूर्ण प्रयत्न करण्यात येत आहेत. भारतानेही विमानांच्या खरेदीमध्ये रस घेतला आहे,’ असे त्यांनी सांगितले.
भारतीय हवाई दलामध्ये ५० वर्षांपासून मिग बनावटीची विमाने आहेत. त्यामुळेच नव्या बनावटीची विमाने देण्यासाठी भारताला सर्वाधिक प्राधान्य देण्यात आले आहेत, असे त्यांनी स्पष्ट केले.
भारताने ‘मिग ३५’ लढाऊ विमाने विकत घेण्याचे संकेत दिले असून, हे विमान भारताला देण्यासाठी रशिया उत्सुक आहे, असे ‘मिग कॉर्पोरेशन’चे महासंचालक इलिया टारासेंको यांनी सांगितले. भारताच्या गरजा समजून घेण्यात येत असून, अमेरिकेच्या एफ-३५पेक्षा ही विमाने सरस असल्याचा दावा त्यांनी केला आहे.
‘मिग ३५’ हे रशियाच्या अत्याधुनिक लढाऊ विमानांपैकी एक असून, हे विमान संरक्षण दलांमध्ये दाखल होण्यासाठी सज्ज असल्याचे रशियाने जानेवारीमध्येच सांगितले आहे. त्यानंतर भारत आणि अन्य देशांना हे विमान विकण्यासाठी रशियाकडून प्रयत्न करण्यात येत आहेत. लॉकहीड मार्टिनच्या एफ-३५ विमानांपेक्षा मिग-३५ हे विमान खूपच सरस असून, आकाशातील युद्धामध्ये ते ‘एफ-३५’ला सहज धूळ चारेल, असा विश्वास टारासेंको यांनी व्यक्त केला. ‘भारतीय हवाई दलाच्या संपर्कात असून, लढाऊ विमानांची निविदा जिंकण्यासाठी पूर्ण प्रयत्न करण्यात येत आहेत. भारतानेही विमानांच्या खरेदीमध्ये रस घेतला आहे,’ असे त्यांनी सांगितले.
भारतीय हवाई दलामध्ये ५० वर्षांपासून मिग बनावटीची विमाने आहेत. त्यामुळेच नव्या बनावटीची विमाने देण्यासाठी भारताला सर्वाधिक प्राधान्य देण्यात आले आहेत, असे त्यांनी स्पष्ट केले.