मॉस्को: करोनाच्या संसर्गाला अटकाव करणारी लस शोधली असल्याची घोषणा रशियाचे राष्ट्रपती व्लादिमीर पुतीन यांनी केल्यानंतर आता या लशीला इतर देशांतून मागणी येत असल्याचे समोर आले आहे. जवळपास २० देशांनी रशियाकडे करोनाच्या लशीची नोंदणी केली आहे.
रशियन करोना लस प्रकल्पासाठी निधी जमवणारी संस्था रशियन डॉयरेक्ट इन्वेस्टमेंट फंडचे प्रमुख किरील दिमित्री यांनी सांगितले की, करोनाला अटकाव करणाऱ्या लशीसाठी २० देशांमधून एक अब्ज डोसची मागणी नोंदवण्यात आली आहे. या लशीचे औद्योगिक पातळीवरील उत्पादन सप्टेंबर महिन्यात सुरू करण्यात येणार आहे. मात्र, कोणत्या देशांनी लशीची नोंदणी केली आहे, याची नावे मात्र, अद्याप समोर आलेली नाहीत.
वाचा: करोना लशीला रशियाची मंजुरी; पुतीन यांनी स्वत:च्या मुलींना टोचली लस
सरकारी अधिकाऱ्यांसोबत झालेल्या बैठकीत पुतीन यांनी सांगितले की, करोनाची ही लस प्रभावीपणे काम करत आहे. प्रतिकार शक्ती वाढत आहे. येणाऱ्या दिवसांमध्ये या लशीचे मोठ्या प्रमाणावर उत्पादन करण्यास आपण सक्षम असू असा विश्वासही त्यांनी व्यक्त केला. रशियाचे आरोग्य मंत्री मिखाइल मुराशको यांनी सांगितले की, या महिन्यापासून आरोग्य कर्मचाऱ्यांना ही लस देण्यात येणार आहे. रशियात लशीसाठी आरोग्य कर्मचाऱ्यांना प्राधान्य असणार आहे. त्यानंतर ज्येष्ठ नागरिकांना लस देण्यात येणार असल्याची माहिती त्यांनी दिली. ऑक्टोबर महिन्यात रशिया लशीकरण मोहीम राबवणार आहे.
वाचा: रशियाची करोनावर लस तयार; जाणून घ्या किंमत, कधी उपलब्ध होणार!
तर, दुसरीकडे रशियाने लशीची घोषणा करण्यात घाई केली असल्याचे म्हटले जात आहे. रशियाविरोधी देशांनाही ही बाब रुचली नाही. सामान्य नागरिकांना लस देण्यास विरोध होऊ लागला आहे. मल्टिनॅशनल फार्मा कंपनीच्या एका स्थानिक असोसिएशनने क्लिनिकल चाचणी न करता सामान्य माणसांना लस देणे धोकादायक असल्याचे म्हटले आहे. त्यांनी याबाबत आरोग्य मंत्र्यांना पत्र लिहीले आहे.
वाचा: करोना: चीनने सैनिकांना टोचली लस; जगाला मात्र प्रतिक्षा!
जागतिक आरोग्य संघटनेनेदेखील रशियाच्या लस चाचणीबाबत शंका उपस्थित केली आहे. रशियाने करोना लस चाचणीसाठी जागतिक आरोग्य संघटनेच्या निर्देशांचे पालन केले नाही. चाचणीच्या ठोस माहितीशिवाय लस सामान्य नागरिकांना देणे धोकादायक ठरू शकते असा इशारा जागतिक आरोग्य संघटनेने याआधीच दिला आहे. तर, लस स्पर्धेच्या निमित्ताने रशिया विरुद्ध पाश्चिमात्य देश असा वाद होण्याची शक्यता आहे. ब्रिटनने सुरक्षितेच्या कारणास्तव रशियन लस आपल्या नागरिकांना देणार नसल्याचे जाहीर केले आहे.
रशियन करोना लस प्रकल्पासाठी निधी जमवणारी संस्था रशियन डॉयरेक्ट इन्वेस्टमेंट फंडचे प्रमुख किरील दिमित्री यांनी सांगितले की, करोनाला अटकाव करणाऱ्या लशीसाठी २० देशांमधून एक अब्ज डोसची मागणी नोंदवण्यात आली आहे. या लशीचे औद्योगिक पातळीवरील उत्पादन सप्टेंबर महिन्यात सुरू करण्यात येणार आहे. मात्र, कोणत्या देशांनी लशीची नोंदणी केली आहे, याची नावे मात्र, अद्याप समोर आलेली नाहीत.
वाचा: करोना लशीला रशियाची मंजुरी; पुतीन यांनी स्वत:च्या मुलींना टोचली लस
सरकारी अधिकाऱ्यांसोबत झालेल्या बैठकीत पुतीन यांनी सांगितले की, करोनाची ही लस प्रभावीपणे काम करत आहे. प्रतिकार शक्ती वाढत आहे. येणाऱ्या दिवसांमध्ये या लशीचे मोठ्या प्रमाणावर उत्पादन करण्यास आपण सक्षम असू असा विश्वासही त्यांनी व्यक्त केला. रशियाचे आरोग्य मंत्री मिखाइल मुराशको यांनी सांगितले की, या महिन्यापासून आरोग्य कर्मचाऱ्यांना ही लस देण्यात येणार आहे. रशियात लशीसाठी आरोग्य कर्मचाऱ्यांना प्राधान्य असणार आहे. त्यानंतर ज्येष्ठ नागरिकांना लस देण्यात येणार असल्याची माहिती त्यांनी दिली. ऑक्टोबर महिन्यात रशिया लशीकरण मोहीम राबवणार आहे.
वाचा: रशियाची करोनावर लस तयार; जाणून घ्या किंमत, कधी उपलब्ध होणार!
तर, दुसरीकडे रशियाने लशीची घोषणा करण्यात घाई केली असल्याचे म्हटले जात आहे. रशियाविरोधी देशांनाही ही बाब रुचली नाही. सामान्य नागरिकांना लस देण्यास विरोध होऊ लागला आहे. मल्टिनॅशनल फार्मा कंपनीच्या एका स्थानिक असोसिएशनने क्लिनिकल चाचणी न करता सामान्य माणसांना लस देणे धोकादायक असल्याचे म्हटले आहे. त्यांनी याबाबत आरोग्य मंत्र्यांना पत्र लिहीले आहे.
वाचा: करोना: चीनने सैनिकांना टोचली लस; जगाला मात्र प्रतिक्षा!
जागतिक आरोग्य संघटनेनेदेखील रशियाच्या लस चाचणीबाबत शंका उपस्थित केली आहे. रशियाने करोना लस चाचणीसाठी जागतिक आरोग्य संघटनेच्या निर्देशांचे पालन केले नाही. चाचणीच्या ठोस माहितीशिवाय लस सामान्य नागरिकांना देणे धोकादायक ठरू शकते असा इशारा जागतिक आरोग्य संघटनेने याआधीच दिला आहे. तर, लस स्पर्धेच्या निमित्ताने रशिया विरुद्ध पाश्चिमात्य देश असा वाद होण्याची शक्यता आहे. ब्रिटनने सुरक्षितेच्या कारणास्तव रशियन लस आपल्या नागरिकांना देणार नसल्याचे जाहीर केले आहे.