मॉस्को: करोना महासाथीच्या आजाराचे जगभरात थैमान सुरू असताना दुसरीकडे जगावर महायुद्धाचे सावट आहे. रशियन विश्लेषकांनी आगामी चार आठवड्यांमध्ये महायुद्ध सुरू होणार असल्याचा इशारा दिला आहे. करोना काळात युद्ध झाल्यास त्याचे परिणाम अतिशय भयंकर असणार आहेत.
रशिया आणि युक्रेनच्या सीमेवर वाढत्या तणावाच्या पार्श्वभूमीवर हा इशारा देण्यात आला आहे. तणाव न निवळल्यास एका महिन्यातच करोना महासाथीच्या काळात भीषण युद्धाचा सामना करावा लागणार असल्याचा इशारा संरक्षण तज्ज्ञांनी दिला आहे. रशियाने वाढत्या तणावाच्या पार्श्वभूमीवर चार हजार जवानांना वादग्रस्त सीमा रेषेवर पाठवले आहे. रशियन सैन्याच्या हालचालींमुळे युरोपीयन देशही सतर्क झाले आहेत. त्यामुळे महायुद्ध होण्याचा धोका असल्याचे त्यांनी सांगितले.
रशियन माध्यमांनी दिलेल्या वृत्तानुसार, रशियन संरक्षण तज्ज्ञ पॉवेल फेलगेनहर यांनी सांगितले की, ज्या प्रकारची सध्या परिस्थिती आहे, त्यानुसार, येत्या काही आठवड्यात युरोपमध्ये महायुद्धासारखी मोठी घटना घडण्याचा धोका आहे. हा धोका वाढत असून माध्यमांमध्ये याची चर्चा न होणे हे चिंताजनक असल्याचे त्यांनी सांगितले.
वाचा: भारतात करोनाबाधितांच्या संख्येत वाढ; 'या' कारणामुळे जगाला चिंता
वाचा: करोनाला रोखण्यासाठी ब्रिटनने आखली 'ही' योजना
या कारणांमुळे महायुद्ध भडकणार?
रशिया आणि युक्रेनमध्ये जर युद्ध झाल्यास त्याचे रुपांतर महायुद्धात होण्याची शक्यता आहे. रशिया आणि अमेरिका यांच्यात वैर आहे. तर, युक्रेन हा अमेरिकेचा मित्र देश आहे. त्यामुळेच रशियाने युक्रेनवर हल्ला केल्यास अमेरिकाही या युद्धात उतरण्याची शक्यता आहे. त्यानंतर इतर देशही सहभागी होतील. काही दिवसांपूर्वीच शस्त्र साठा असलेला एक मालवाहू जहाज अमेरिकेहून युक्रेनमध्ये दाखल झाले.
वाचा: अरुणाचल प्रदेशमध्ये चीनचा नवा डाव; भारताला सतर्कतेचा इशारा
चिंतेचे कारण नाही: रशिया
मागील आठवड्यात युक्रेनचे कमांडर-इन-चीफ रुसलान खोमच यांनी संसदेत सांगितले की, रशियाकडून आक्रमक भूमिका घेतली जात आहे. रशियाने कमीत कमी अतिरिक्त २५ टेक्टिक ग्रुपच्या जवानांना सीमा भागात तैनात केले आहे. याआधीपासून युक्रेनच्या सीमा भागात रशियन सैन्य दाखल आहेत. तर, रशियाने चिंता करण्याचे कारण नसल्याचे सांगितले. लष्कराची हालचाल सुरू असली तरी युद्धाची तयारी सुरू नसल्याचे रशियाने स्पष्ट केले.
रशिया आणि युक्रेनच्या सीमेवर वाढत्या तणावाच्या पार्श्वभूमीवर हा इशारा देण्यात आला आहे. तणाव न निवळल्यास एका महिन्यातच करोना महासाथीच्या काळात भीषण युद्धाचा सामना करावा लागणार असल्याचा इशारा संरक्षण तज्ज्ञांनी दिला आहे. रशियाने वाढत्या तणावाच्या पार्श्वभूमीवर चार हजार जवानांना वादग्रस्त सीमा रेषेवर पाठवले आहे. रशियन सैन्याच्या हालचालींमुळे युरोपीयन देशही सतर्क झाले आहेत. त्यामुळे महायुद्ध होण्याचा धोका असल्याचे त्यांनी सांगितले.
रशियन माध्यमांनी दिलेल्या वृत्तानुसार, रशियन संरक्षण तज्ज्ञ पॉवेल फेलगेनहर यांनी सांगितले की, ज्या प्रकारची सध्या परिस्थिती आहे, त्यानुसार, येत्या काही आठवड्यात युरोपमध्ये महायुद्धासारखी मोठी घटना घडण्याचा धोका आहे. हा धोका वाढत असून माध्यमांमध्ये याची चर्चा न होणे हे चिंताजनक असल्याचे त्यांनी सांगितले.
वाचा: भारतात करोनाबाधितांच्या संख्येत वाढ; 'या' कारणामुळे जगाला चिंता
वाचा: करोनाला रोखण्यासाठी ब्रिटनने आखली 'ही' योजना
या कारणांमुळे महायुद्ध भडकणार?
रशिया आणि युक्रेनमध्ये जर युद्ध झाल्यास त्याचे रुपांतर महायुद्धात होण्याची शक्यता आहे. रशिया आणि अमेरिका यांच्यात वैर आहे. तर, युक्रेन हा अमेरिकेचा मित्र देश आहे. त्यामुळेच रशियाने युक्रेनवर हल्ला केल्यास अमेरिकाही या युद्धात उतरण्याची शक्यता आहे. त्यानंतर इतर देशही सहभागी होतील. काही दिवसांपूर्वीच शस्त्र साठा असलेला एक मालवाहू जहाज अमेरिकेहून युक्रेनमध्ये दाखल झाले.
वाचा: अरुणाचल प्रदेशमध्ये चीनचा नवा डाव; भारताला सतर्कतेचा इशारा
चिंतेचे कारण नाही: रशिया
मागील आठवड्यात युक्रेनचे कमांडर-इन-चीफ रुसलान खोमच यांनी संसदेत सांगितले की, रशियाकडून आक्रमक भूमिका घेतली जात आहे. रशियाने कमीत कमी अतिरिक्त २५ टेक्टिक ग्रुपच्या जवानांना सीमा भागात तैनात केले आहे. याआधीपासून युक्रेनच्या सीमा भागात रशियन सैन्य दाखल आहेत. तर, रशियाने चिंता करण्याचे कारण नसल्याचे सांगितले. लष्कराची हालचाल सुरू असली तरी युद्धाची तयारी सुरू नसल्याचे रशियाने स्पष्ट केले.