Viktor Medvedchuk : पुतीन यांचा खास व्यक्ती यूक्रेनच्या ताब्यात, रशियासमर्थक नेत्याला सोडण्यासाठी झेलेंस्कींनी ठेवल्या अटी

Russia Ukraine War: रशिया आणि यूक्रेन यांच्यातील युद्धाला 50 दिवस झाले आहेत. रशिया (Russia) आणि यूक्रेन (Ukraine) यांच्यातील युद्धात आतापर्यंत दोन्ही पक्षांचं मोठ नुकसान झालंय. रशियाचे अध्यक्ष व्लादिमीर पुतीन यांच्या जवळचे समजले जाणारे यूक्रेनचे विरोधी पक्षनेते विक्टर मेदवेदचूक (Viktor Medvedchuk) यांना यूक्रेनच्या संरक्षण दलांनी ताब्यात घेतलं आहे. यूक्रेनची गुप्तचर यंत्रणा एसबीयूने काही फोटो जारी केले आहेत. त्यामध्ये मेदवेदचूक यांच्या हातात बेड्या दिसून आल्या आहेत. यूक्रेनचे अध्यक्ष वोलेदिमीर झेलेंस्की यांनी देखील विक्टर मेदवेदचूक यांना पकडले असल्याचे म्हटले आहे. मेदवेदचूक हे रशियासमर्थक नेते मानले जातात. ते रशियाचे राष्ट्रपती व्लादिमीर पुतीन यांचे निकटवर्तीय मानले जातात.

विक्टर मेदवेदचूक यांना गेल्या वर्षी देशद्रोहाच्या आरोपाखाली नजरकैदेत ठेवण्यात आलं होतं. मेदवेदचूक फेब्रुवारी महिन्यात पसार झाले होते. आता यूक्रेननं पुन्हा त्यांना पकडल्याचा दावा केले आहे. मेदवेदचूक रशियाचे अध्यक्ष पुतीन यांचे समर्थक मानले जातात. त्यामुळं यूक्रेननं आता रशियासमोर एक प्रस्ताव ठेवला आहे. मेदवेदचूक यांची सुटका करण्याच्या बदल्यात रशियानं यूक्रेनच्या नागरिकांना आणि सैन्याला मुक्त करण्याचा प्रस्ताव ठेवला आहे.

VIDEO: पाक पंतप्रधान शाहबाज शरीफ आंतरराष्ट्रीय भिकारी; संसदेतच खासदाराने उडवली खिल्ली
रशियाच्या राष्ट्रपती भवनातील प्रवक्ते दिमित्री पे्कोव यांनी मेदवेदचूक यांना ताबात्यात घेतल्याचे फोटो पाहिले आहेत. मात्र, त्यांना यूक्रेननं ताब्यात घेतलं असल्यासंदर्भातील बातमीला दुजोरा दिला नाही. या सगळ्या खोट्या बातम्या चालवल्या जात आहेत. फोटोत किती सत्य आहे, हे सांगता येऊ शकत नाही, असं देखील ते म्हणाले.

विक्टर मेदवेदचूक हे यूक्रेनच्या संसदेचे सदस्य आहेत. विरोधी पक्ष पार्टी फॉर लाईफ या पक्षाचे ते नेते आहेत. फॉर लाईफ या पक्षाला रशियासमर्थक मानलं जातं. रशिया समर्थक असल्याचा ठपका ठेवत झेलेंस्की यांनी गेल्या महिन्यात ११ राजकीय पक्षांवर प्रतिबंध घातले होते. त्यामध्ये फॉर लाईफ पक्षाचा समावेश आहे.


विक्टर मेदवेदचूक यांचा जन्म ७ ऑगस्ट १९५४ ला रशियाच्या क्रेस्नोयार्क क्राई या ठिकाणी झाला होता. १९६० यांच्या दरम्यान त्यांचं कुटुंब यूक्रेनला परत आलं होतं. १९७२ मध्ये मेदवेदचूक यांनी कीव रेलरोड पोस्ट ऑफिसमध्ये कामाला सुरुवात केली. १९७८ मध्ये त्यांनी वकिलीचं शिक्षण पूर्ण केलं.मेदवेदचूक हे यूक्रेनमधील अब्जाधीश आहेत. रशियाचे अध्यक्ष व्लादिमीर पुतीन यांचे निकटवर्तीय समजले जातात. तर, मेदवेदचूक यांनी आतापर्यंत तीन वेळा लग्न केलं आहे. सध्याच्या अध्यक्षांना हटवून त्यांच्या जागेवर विक्टर मेदवेदचूक यांना राष्ट्रपती केलं जाणार असल्याच्या चर्चा सुरु होत्या.