'या' लशीवर पुन्हा शंका?; सातपैकी एकाला जाणवत आहेत साइड इफेक्ट!

मॉस्को: करोनाच्या संसर्गाला अटकाव करणाऱ्या लशीची प्रतिक्षा सगळ्या जगाला आहे. काही लशींची तिसऱ्या टप्प्यातील चाचणी सुरू आहे. जगातील पहिली करोना लस असलेल्या रशियाच्या 'स्पुटनिक व्ही' लशीवर पुन्हा एकदा प्रश्न निर्माण झाले आहे. 'स्पुटनिक व्ही' लशीची चाचणीची तिसऱ्या टप्प्यातील चाचणी सुरू आहे. या चाचणीत सरासरी सात पैकी एका स्वयंसेवकाने साइड इफेक्टस होत असल्याची तक्रार केली आहे.

रशिया सरकारची वृत्तसंस्था 'टास'ने दिलेल्या वृत्तानुसार, आरोग्य मंत्री मिखाइल मुराशको यांनी सांगितले की, आतापर्यंत ४० हजारपैकी ३०० हून अधिकजणांना 'स्पुटनिक व्ही' लस टोचण्यात आली आहे. मॉस्कोतील गामालया रिसर्च इन्स्टिट्यूट ऑफ एपिडिमियोलॉजीने विकसित केली आहे. आरोग्य मंत्री मिखाइल यांनी सांगितले की, ज्या स्वयंसेवकांना लस टोचण्यात आली. त्यांपैकी जवळपास १४ टक्के जणांमध्ये साइड इफेक्ट आढळून आले आहेत. यामध्ये लस टोचल्यानंतर थकवा जाणवणे, २४ तासापर्यंत स्नायू दुखणे, हलका ताप येणे आदी बाबी दिसून आल्या आहेत. मात्र, ही लक्षणे तात्पुरती होती, असेही त्यांनी स्पष्ट केले.

वाचा: गरिबाला जीव नसतो का? जगातील १३ टक्के लोकसंख्येसाठी ५० टक्के लस खरेदी

लस दिल्यानंतर या समस्या जाणवणार असल्याचे स्वंयसेवकांना आधीच सांगण्यात आले होते. ही लक्षणे आदीदेखील दिसली होती. या चाचणीत सहभागी झालेल्या स्वयंसेवकांना पहिला डोस दिल्यानंतर २१ दिवसानंतर दुसरा डोस देण्यात येणार आहे. 'स्पुटनिक व्ही' लशीची तिसऱ्या टप्प्यातील चाचणी सुरू आहे. भारतातही या लशीची तिसऱ्या टप्प्यातील चाचणी होणार आहे. रशियन लशीमुळे साइड इफेक्टस होत असल्यामुळे पुन्हा या लशीवर पाश्चिमात्य देशांकडून प्रश्न उपस्थित होण्याची शक्यता वर्तवण्यात येत आहे.

वाचा: संकट काळातील मित्र! रशियाकडून भारताला मिळणार लशीचे 'इतके' डोस

रशियाने ऑगस्ट महिन्यातच लस विकसित झाल्याची घोषणा केली होती. अशी घोषणा करणारा रशिया हा पहिला देश ठरला. मात्र, पाश्चिमात्य देशांनी रशियाच्या या दाव्यावर प्रश्नचिन्ह उपस्थित केले होते. त्यानंतर रशियाने आपल्या 'स्पुटनिक व्ही' या लशीची परदेशी संस्थेच्या देखरेखीत व्यापक चाचणी घेण्याची तयारी दर्शवली. या चाचणीचे परिणाम निष्कर्ष जागतिक आरोग्य संघटनेकडे सुपूर्द करण्यात येणार आहे. रशियाच्या 'स्पुटनिक व्ही' लशीची पहिल्या व दुसऱ्या टप्प्यातील चाचणी यशस्वी झाली असल्याचे 'द लॅसेन्ट' या वैद्यकीय नियतकालिकेत नमूद करण्यात आले होते.

वाचा: करोना: चीनची मोठी घोषणा; 'या' महिन्यात सर्वांसाठी लस उपलब्ध होणार!

वाचा: रशिया, चीननंतर 'या' देशाने दिली लस वापराला मंजुरी

रशियाने आपली 'स्पुटनिक व्ही' ही लस साामान्य रशियन नागरिकांसाठी उपलब्ध करून दिली आहे. लशीची पहिली खेप वितरीत करण्यात आली आहे. त्याशिवाय कझाकस्तान, ब्राझील, मेक्सिकोमध्येही रशिया आपली लस देणार आहे.