चार्जिंगला लावलेला फोन बाथटबमध्ये पडला; विजेच्या धक्क्याने मॉडेलचा मृत्यू

मॉस्को: मोबाइल चार्जिंगला असतानादेखील अनेकजण फोनचा वापर करतात. मात्र, असे करणे तुमचे जीवावर बेतू शकते. एका रशियन मॉडेलचा आंघोळ करताना अशाच प्रकारे दुर्देवी मृत्यू झाला. तिच्या मृत्यूसाठी तिचा मोबाइलच कारणीभूत ठरला. बाथटबमध्ये आंघोळ करत असताना चार्जिंगला लावलेल्या फोनचा वापर करत असताना विजेच्या धक्क्याने या मॉडेलचा मृत्यू झाला.

डेली मेलने दिलेल्या वृत्तानुसार, २४ वर्षीय मॉडेल ओलेवा सेमेनोवा ही रशियातील अर्खंग्लेस्क शहरात आपल्या मैत्रिणीसोबत राहत होती. मंगळवारी तिची मैत्रिण डारिया घरी गेली तेव्हा ओलेसा ही बाहेर गेली असावी असे तिला वाटले. मात्र, ती बाथरूममध्ये गेल्यानंतर तिला धक्काच बसला. ओलेसाचे शरीर पूर्णपणे पिवळे पडले होते. ती श्वास घेत नसल्याचे पाहून घाबरून तातडीने पोलिसांना फोन केला असल्यातचे डारियाने सांगितले. ओलेसाचा मोबाइल फोन पाण्यात पडला होता आणि तो चार्जिंगला लावला असल्याचे आढळून आले.

वाचा: मुद्दा शेतकरी आंदोलनाचा आणि पंतप्रधानांना भारत-पाकिस्तानची काळजी


वाचा: अमेरिकेत आढळला सोन्याचा गूढ स्तंभ; चर्चा एलियनची पण खरं कारण वेगळंच!
ओलेवाचा मृत्यू हा विजेच्या धक्क्याने झाला असल्याचे प्राथमिक तपासात समोर आले आहे. ओलेवाने मोबाइल चार्जिंगसाठी ज्या सॉकेटचा वापर केला होता, ती मुख्य वीज वाहिनी होती. फोन पाण्यात पडल्याने विजेचा धक्का बसला. ओलेवा नेहमी बाथटबमध्ये बसून व्हिडिओ रेकोर्ड करायची. यावेळी देखील व्हिडिओ करताना फोन पाण्यात पडून तिला विजेचा धक्का बसला असावा असे म्हटले जात आहे.
वाचा: शेजारी असावे तर असे!; तब्बल ५५ कोटींची संपत्ती शेजाऱ्याच्या नावावर केली!

Explainer करोना लस दिल्यानंतर एलर्जी; जाणून घ्या लक्षणे

फोन चार्जिंगचा सॉकेट हा मुख्य वाहिनीतील नसता तर शॉर्ट सर्किटनंतरही कदाचित तिचे प्राण वाचले असते. फोन वॉटरफ्रूट असल्यामुळे पाण्यात पडल्यानंतरही बराच वेळ ऑन राहिला आणि फोनची चार्जिंगही सुरू होती. याआधी रशियातच १५ वर्षाच्या एका मुलीचा बाथरूममध्येच फोनद्वारे विजेचा धक्का बसल्याने मृत्यू झाला होता.