मॉस्को : रशियन सैन्यदलाचे के ए-२९ हेलिकॉप्टर बाल्टिक समुद्रात कोसळून दोन जणांचा मृत्यू झाला आहे. बाल्टिक समुद्रावरून रात्रीच्या उड्डाणाचे प्रशिक्षण घेत असताना ही घटना घडल्याची माहिती रशियाच्या सैन्यदलाकडून देण्यात आली. पोलंड आणि लिथुआनिया यांच्यामधील किलिनिग्राड या रशियाच्या भागात गुरुवारी रात्री साडेअकरा वाजता ही दुर्घटना घडली. केए २९ हेलिकॉप्टरमधील दोन क्रू सदस्यांचा मृत्यू झाला आहे, अशी माहिती रशियाच्या बाल्टिक तुकडीने दिली आहे. मृतदेहांचा शोध घेण्यासाठी शोधमोहीम सुरू करण्यात आली आहे. दरम्यान, बुधवारी ही एमआय-८ हेलिकॉप्टर पूर्व रशियात कोसळून सहा जणांचा मृत्यू झाला होता. ते हेलिकॉप्टर एका खासगी कंपनीचे होते.
रशियाचे हेलिकॉप्टर बाल्टिक समुद्रात कोसळले
रशियन सैन्यदलाचे के ए-२९ हेलिकॉप्टर बाल्टिक समुद्रात कोसळून दोन जणांचा मृत्यू झाला आहे...
Maharashtra Times 14 Apr 2018, 5:00 am