नवी दिल्ली : जगभरात करोना व्हायरसने दहशत माजवली असताना SAARC (प्रादेशिक सहकार्यासाठी दक्षिण आशिया संघटना) देशांच्या नेत्यांनी समन्वयासाठी महत्त्वाचं पाऊल उचललं आहे. प्रत्यक्षात बैठकीऐवजी व्हिडीओ कॉन्फरन्सिंगची कल्पना पंतप्रधान नरेंद्र मोदी यांनी एका ट्वीटद्वारे मांडली आणि त्याला पाकिस्तानसह सर्व नेत्यांनी एकमुखाने साथ दिली. SAARC मध्ये अफगाणिस्तान, बांगलादेश, भूटान, भारत, मालदीव, नेपाळ, श्रीलंका आणि पाकिस्तान या देशांचा समावेश आहे.
इतर देशांनी पंतप्रधान मोदींच्या ट्वीटला दुजोरा दिला असताना पाकिस्तानची अधिकृत प्रतिक्रिया आलेली नव्हती. पण पाकिस्तानच्या परराष्ट्र मंत्रालयाच्या प्रवक्ता आयशा फारुकी यांनी आपण व्हिडीओ कॉन्फरन्सिंगद्वारे सहभाग घेण्यास तयार असल्याचं स्पष्ट केलं. करोनावर मात करण्यासाठी जागतिक आणि प्रादेशिक पातळीवर समन्वय गरजेचा आहे, त्यामुळे पंतप्रधान इम्रान खान यांचे आरोग्यावरील विशेष सहाय्यक या परिषदेत भाग घेतील, असं फारुकी म्हणाल्या.
स्पेनमधील डॉक्टरला करोनाचा संसर्ग; ट्विटरवर सांगत आहेत लक्षणे
करोना व्हायरसमुळे जगभरात दीड लाख लोक बाधित आहेत, तर पाच हजारपेक्षा जास्त लोकांचा जीव गेला आहे. संपूर्ण जग याविरोधात एकवटलेलं असताना पंतप्रधान नरेंद्र मोदी यांनी प्रत्यक्षात भेटण्याऐवजी व्हिडीओ कॉन्फरन्सिंगची कल्पना पुढे आणली. याला सर्व सदस्य राष्ट्रांनी पाठिंबा देत या संकटावर मात करण्यासाठी एकजुटीने पुढे येण्याबाबत आश्वस्त केलं.
इटलीत करोनाचा कहर: एक हजार जणांचा मृत्यू
भूटानचे पंतप्रधान लोटे शेरिंग यांनी पंतप्रधान मोदींनी घेतलेल्या पुढाकारचं कौतुक केलं. भूटानचे पंतप्रधान म्हणाले, ‘याला म्हणतात नेतृत्त्व. या प्रदेशातील सदस्य म्हणून आपण प्रत्येकाने पुढे येणं गरजेचं आहे. छोट्या अर्थव्यवस्थांना मोठा फटका बसला आहे, त्यामुळे आपण समन्वय साधायलाच हवा. तुमच्या नेतृत्त्वात लवकरच सकारात्मक परिणाम दिसेल यात शंका नाही. व्हिडीओ कॉन्फरन्सिंगसाठी उत्सुक आहे.’
श्रीलंकेचे राष्ट्रपती गोटाबाया राजपक्षे यांनीही पंतप्रधान मोदींच्या कल्पनेला पाठिंबा दिला आणि आपण व्हिडिओ कॉन्फरन्सिंगसाठी तयार असल्याचं सांगितलं. नेपाळचे पंतप्रधान केपी शर्मा ओली आणि मालदीवचे राष्ट्रपती मोहम्मद सोलीह यांनीही या संकल्पनेचं स्वागत केलं. अफगाणिस्तानसह इतर देशांनीही व्हिडीओ कॉन्फरन्सिंगद्वारे सहभाग घेण्याची तयारी दाखवली.
इतर देशांनी पंतप्रधान मोदींच्या ट्वीटला दुजोरा दिला असताना पाकिस्तानची अधिकृत प्रतिक्रिया आलेली नव्हती. पण पाकिस्तानच्या परराष्ट्र मंत्रालयाच्या प्रवक्ता आयशा फारुकी यांनी आपण व्हिडीओ कॉन्फरन्सिंगद्वारे सहभाग घेण्यास तयार असल्याचं स्पष्ट केलं. करोनावर मात करण्यासाठी जागतिक आणि प्रादेशिक पातळीवर समन्वय गरजेचा आहे, त्यामुळे पंतप्रधान इम्रान खान यांचे आरोग्यावरील विशेष सहाय्यक या परिषदेत भाग घेतील, असं फारुकी म्हणाल्या.
स्पेनमधील डॉक्टरला करोनाचा संसर्ग; ट्विटरवर सांगत आहेत लक्षणे
करोना व्हायरसमुळे जगभरात दीड लाख लोक बाधित आहेत, तर पाच हजारपेक्षा जास्त लोकांचा जीव गेला आहे. संपूर्ण जग याविरोधात एकवटलेलं असताना पंतप्रधान नरेंद्र मोदी यांनी प्रत्यक्षात भेटण्याऐवजी व्हिडीओ कॉन्फरन्सिंगची कल्पना पुढे आणली. याला सर्व सदस्य राष्ट्रांनी पाठिंबा देत या संकटावर मात करण्यासाठी एकजुटीने पुढे येण्याबाबत आश्वस्त केलं.
इटलीत करोनाचा कहर: एक हजार जणांचा मृत्यू
भूटानचे पंतप्रधान लोटे शेरिंग यांनी पंतप्रधान मोदींनी घेतलेल्या पुढाकारचं कौतुक केलं. भूटानचे पंतप्रधान म्हणाले, ‘याला म्हणतात नेतृत्त्व. या प्रदेशातील सदस्य म्हणून आपण प्रत्येकाने पुढे येणं गरजेचं आहे. छोट्या अर्थव्यवस्थांना मोठा फटका बसला आहे, त्यामुळे आपण समन्वय साधायलाच हवा. तुमच्या नेतृत्त्वात लवकरच सकारात्मक परिणाम दिसेल यात शंका नाही. व्हिडीओ कॉन्फरन्सिंगसाठी उत्सुक आहे.’
श्रीलंकेचे राष्ट्रपती गोटाबाया राजपक्षे यांनीही पंतप्रधान मोदींच्या कल्पनेला पाठिंबा दिला आणि आपण व्हिडिओ कॉन्फरन्सिंगसाठी तयार असल्याचं सांगितलं. नेपाळचे पंतप्रधान केपी शर्मा ओली आणि मालदीवचे राष्ट्रपती मोहम्मद सोलीह यांनीही या संकल्पनेचं स्वागत केलं. अफगाणिस्तानसह इतर देशांनीही व्हिडीओ कॉन्फरन्सिंगद्वारे सहभाग घेण्याची तयारी दाखवली.