मटा ऑनलाइन वृत्त । रियाध
सौदी अरेबियात पतीच्या गैरहजेरीत पत्नीची डिलिव्हरी करणाऱ्या पुरुष डॉक्टरची हत्या करण्यात आली. आपली परवानगी न घेता डिलिव्हरीसाठी पत्नीच्या जवळ गेला याचा राग येऊन पतीने मुहम्मद अल जब्र यांची गोळी झाडून हत्या केली. पोलिसांनी या प्रकरणी मारेकऱ्याला अटक केली आहे.
गल्फ न्यूजच्या वृत्तानुसार, जॉर्डनचे एक दांपत्य रियाधच्या किंग फहाद मेडिकल सिटी हॉस्पिटलमध्ये आले. पत्नी गरोदर होती मात्र तिच्या प्रसूतीच्यावेळी तिथे एकही पुरुष नको तर फक्त महिला डॉक्टर आणि नर्स असाव्यात अशी पतीची इच्छा होती. मात्र ज्यावेळी महिलेला प्रसूतीवेदना सुरू झाल्या त्यावेळी हॉस्पिटलमध्ये एकच अनुभवी पुरुष डॉक्टर उपस्थित होता. अखेर हॉस्पिटल प्रशासनाने डॉक्टर मुहम्मद अल जब्र यांना महिलेची प्रसूती करण्यास सांगितले. सर्व काही व्यवस्थित पार पडले पण महिला डॉक्टरऐवजी पुरुष डॉक्टरने प्रसूती केल्याचे कळताच संबंधित महिलेचा पती चिडला. पत्नीची अवस्था पाहून त्याने नाराजी व्यक्त करणे टाळले.
महिलेला जॉर्डनच्या घरी सुखरुप नेल्यानंतर तब्बल महिन्याभराने पती हॉस्पिटलमध्ये पुन्हा आला. पत्नीची तब्येत व्यवस्थित आहे, डॉक्टरांचे आभार मानायचे आहेत असे सांगत त्याने हॉस्पिटलल प्रशासनाला विश्वासात घेतले. एका नर्ससोबत तो डॉक्टरांना भेटायला गेला. डॉक्टरांना भेटल्यावर त्यांच्यात व्यवस्थित गप्पा सुरू होत्या. सर्व काही सुरळीत सुरू असताना अचानक त्याने खिशातून पिस्तुल काढून थेट डॉक्टरांवर गोळीबार केला. अतिशय जवळून झालेल्या या हल्ल्यात डॉक्टरांचा लगेच मृत्यू झाला. हॉस्पिटलमधील कर्मचाऱ्यांनी लगेच गोळीबार करणाऱ्याला पकडले आणि पोलिसांच्या ताब्यात दिले. पोलिस चौकशी दरम्यान 'माझी इच्छा नसताना पत्नीची डिलिव्हरी पुरुष डॉक्टरने केली म्हणून त्याला ठार केले;' असे उत्तर मारेकऱ्याने दिले. पोलिसांनी गोळीबार करणाऱ्याविरोधात हत्येचा गुन्हा दाखल केला असून पुढील कारवाई कोर्टाच्या आदेशाने होईल असे सांगितले.
सौदी अरेबियात पतीच्या गैरहजेरीत पत्नीची डिलिव्हरी करणाऱ्या पुरुष डॉक्टरची हत्या करण्यात आली. आपली परवानगी न घेता डिलिव्हरीसाठी पत्नीच्या जवळ गेला याचा राग येऊन पतीने मुहम्मद अल जब्र यांची गोळी झाडून हत्या केली. पोलिसांनी या प्रकरणी मारेकऱ्याला अटक केली आहे.
गल्फ न्यूजच्या वृत्तानुसार, जॉर्डनचे एक दांपत्य रियाधच्या किंग फहाद मेडिकल सिटी हॉस्पिटलमध्ये आले. पत्नी गरोदर होती मात्र तिच्या प्रसूतीच्यावेळी तिथे एकही पुरुष नको तर फक्त महिला डॉक्टर आणि नर्स असाव्यात अशी पतीची इच्छा होती. मात्र ज्यावेळी महिलेला प्रसूतीवेदना सुरू झाल्या त्यावेळी हॉस्पिटलमध्ये एकच अनुभवी पुरुष डॉक्टर उपस्थित होता. अखेर हॉस्पिटल प्रशासनाने डॉक्टर मुहम्मद अल जब्र यांना महिलेची प्रसूती करण्यास सांगितले. सर्व काही व्यवस्थित पार पडले पण महिला डॉक्टरऐवजी पुरुष डॉक्टरने प्रसूती केल्याचे कळताच संबंधित महिलेचा पती चिडला. पत्नीची अवस्था पाहून त्याने नाराजी व्यक्त करणे टाळले.
महिलेला जॉर्डनच्या घरी सुखरुप नेल्यानंतर तब्बल महिन्याभराने पती हॉस्पिटलमध्ये पुन्हा आला. पत्नीची तब्येत व्यवस्थित आहे, डॉक्टरांचे आभार मानायचे आहेत असे सांगत त्याने हॉस्पिटलल प्रशासनाला विश्वासात घेतले. एका नर्ससोबत तो डॉक्टरांना भेटायला गेला. डॉक्टरांना भेटल्यावर त्यांच्यात व्यवस्थित गप्पा सुरू होत्या. सर्व काही सुरळीत सुरू असताना अचानक त्याने खिशातून पिस्तुल काढून थेट डॉक्टरांवर गोळीबार केला. अतिशय जवळून झालेल्या या हल्ल्यात डॉक्टरांचा लगेच मृत्यू झाला. हॉस्पिटलमधील कर्मचाऱ्यांनी लगेच गोळीबार करणाऱ्याला पकडले आणि पोलिसांच्या ताब्यात दिले. पोलिस चौकशी दरम्यान 'माझी इच्छा नसताना पत्नीची डिलिव्हरी पुरुष डॉक्टरने केली म्हणून त्याला ठार केले;' असे उत्तर मारेकऱ्याने दिले. पोलिसांनी गोळीबार करणाऱ्याविरोधात हत्येचा गुन्हा दाखल केला असून पुढील कारवाई कोर्टाच्या आदेशाने होईल असे सांगितले.