PHOTO : सूर्याचा आजवरचा सर्वात स्पष्ट फोटो, पृष्ठभागावर काळे डाग कसले?

हे सर्व फोटो ३०० मेगापिक्सलच्या एका अंतीम फोटोमध्ये पाहिलं जाऊ शकतं. सामान्य १० मेगापिक्सल कॅमेऱ्याच्या एखाद्या फोटोपेक्षा हा फोटो ३० पटींनी मोठा आहे.

यातील सर्वात जवळच्या (क्लोजअप व्ह्यू) फोटोत काही रहस्यमय काळे डागही दिसून येऊ शकतात. यापूर्वी सूर्याचे जेवढे फोटो समोर आले त्यातील अगदीच काही फोटोंमध्ये सूर्यावर असे काळे डाग आणि आगीच्या ज्वाळा दिसून आल्या होत्या.

सूर्याच्या पृष्ठभागावर दिसणारे काळे डाग प्रत्यक्षात काळे नसतात. या ठिकाणांहून अतिशय शक्तिशाली किरण बाहेर पडतात. फोटोग्राफिक प्रक्रियेमुळे हे किरण काळ्या डागांप्रमाणे भासतात. सूर्याचं असा फोटो टिपणं ही साधी, सोपी, सरळ प्रक्रिया नाही. यामुळे, छायाचित्रकाराच्या दृष्टीवरही परिणाम होण्याची शक्यता असते. यामुळे हा फोटो टिपताना सूर्याच्या तीव्र किरणांमुळे दृष्टी गमावण्यापासून वाचवण्यासाठी दोन फिल्टर असलेल्या एका विशेष दुर्बीणीचा वापरण्यात करण्यात आला आहे.

सूर्याचे फोटो काढण्यासाठी मी नेहमीच उत्सुक असतो. वास्तवत: सूर्याचा फोटो टिपणं खरोखरच मनोरंजक आहे कारण हा अनुभव प्रत्येक वेळेस वेगळा असतो. आकाश किती स्पष्ट, निरभ्र आहे त्यावर चंद्राचा फोटो कसा येईल, हे अवलंबून असतं. मात्र, सूर्याच्या बाबतीत असं नसूनही सूर्याचे हे स्पष्ट फोटो काढण्याची संधी मला मिळाली, अशी प्रतिक्रिया फोटोग्राफर अँड्र्यू यांनी 'डेली मेल'शी बोलताना व्यक्त केली.

अँड्र्यू मॅकार्थी यांचं सोशल मीडिया 'इन्स्टाग्राम'वर 'कॉस्मिक-बॅकग्राउंड' (@cosmic-background) नावाचं एक अकाऊंट आहे. सौर कॉस्मिक किरणं सूर्यापासून निघतात. त्यात अत्याधिक उर्जेचे कण असतात. या किरणांमध्ये जवळपास ९० टक्के प्रोटॉन आणि १० टक्के हेलियमचे अंश असतात. जेव्हा ते पृथ्वीच्या वातावरणावर आदळतात तेव्हा सौर वादळ उद्भवतं.