इस्लामाबाद : गेल्या महिन्यात लाहोरमध्ये 'तबलिगी जमात'ने आयोजिलेल्या समारंभात सहभागी झालेल्यांना शोधण्याची मोहीम पाकिस्तान सरकारने तीव्र केली असून, समारंभात सहभागी झालेल्या २० हजार भाविकांना विलगीकरणात ठेवले आहे. या समारंभाग सहभागी झालेले भाविक केवळ पाकिस्तानातच नव्हे, तर अन्य देशांमध्येही 'करोना' विषाणूचा फैलाव करीत आहेत, असे निरीक्षकांनी म्हटले आहे. या समारंभात किमान दहा हजार भाविक सहभागी झाले होते. 'खैबर पख्तुन्वा'मध्ये ५,३०० तबलिगींचे, तर लाहोरमधील सात हजार तबलिगींचे विलगीकरण करण्यात आले आहे. त्यांतील काही जणांना संसर्ग झाल्याचे स्पष्ट झाले आहे.
पाकमध्ये तबलिगींचे विलगीकरण
गेल्या महिन्यात लाहोरमध्ये 'तबलिगी जमात'ने आयोजिलेल्या समारंभात सहभागी झालेल्यांना शोधण्याची मोहीम पाकिस्तान सरकारने तीव्र केली असून, समारंभात ...
महाराष्ट्र टाइम्स.कॉम 7 Apr 2020, 4:00 am