अश्लील फोटो, मेसेज पाठवणे लैंगिक छळ ठरणार; 'या' देशाचा मोठा निर्णय!

हेल्सिंकी: लैंगिक छळाच्या पद्धतीत बदल होत असताना कायद्यातही त्या अनुषंगाने बदल करण्याची मागणी करण्यात येते. आता फिनलँडमध्ये फोटो, मेसेज पाठवणे, एखाद्याचा फोटो व्हायरल करणेदेखील लैंगिक छळ ठरणार आहे.

फिनलँडच्या कायदा मंत्रालयाच्या प्रवक्त्यांनी याबाबत माहिती दिली. लैंगिक शोषण, छळाबाबतच्या कायद्यात सुधारणा केली जात आहे. सध्याच्या कायद्यातील मसुद्यात व्यापक बदल केले जाणार आहेत. यानुसार आक्षेपार्ह फोटो, संदेश पाठवणे, आक्षेपार्ह मौखिक संवाद करणे आदीबाबीदेखील लैंगिक छळाच्या व्याख्येत येणार आहेत. हा गुन्हा किती गंभीर आहे, त्यावर शिक्षा ठरणार आहे. दंडात्मक कारवाईपासून ते कारावासाची शिक्षा ठोठावण्यात येणार आहे.

वाचा: मस्तच! करोनाबाधितांवर स्मार्ट हेल्मेटच्या मदतीने पोलिसांचे लक्ष

वाचा: धक्कादायक...दोन कोटी ९० लाख महिला 'आधुनिक गुलामीत'!

फिनलँडच्या सध्याच्या कायद्यात फक्त स्पर्श करणे, इशारे देणे आदी बाबीच लैंगिक छळाअंतर्गत येतात. आक्षेपार्ह फोटो पाठवण्याचे प्रकरण अब्रुनुकसानीच्या कायद्यांतर्गत चालवले जाते. फिनलँडच्या कायदा मंत्रालयाचे वरिष्ठ सल्लागार सॅमी किरियाकोस यांनी सांगितले की, पुढील वर्षी कधीही हा सुधारीत कायदा संसेदत मंजुरीसाठी मांडला जाईल.

वाचा: करोनाची दुसऱ्यांदा बाधा झालेल्या महिलेचा मृत्यू; जगातील पहिलीच घटना

ऑनलाइन लैंगिक छळाची प्रकरणे मोठ्या प्रमाणावर वाढली आहेत. यामध्ये कोणत्याही सहमतीशिवाय उद्दपीत करणारे, अश्लील छायाचित्रे पाठवण्याच्या कृत्याचा समावेश आहे. याला 'डिक पिक्स' अथवा सायबर फ्लॅशिंग' म्हणून ओळखले जाते. लहान मुलांच्या अधिकारांसाठी कार्यरत असणाऱ्या 'प्लान इंटरनॅशनल'च्या एका अभ्यासानुसार जगभरातील १४ हजार मुलींचे सर्वेक्षण करण्यात आले. यामधील ५१ टक्के मुली या ऑनलाइन लैंगिक छळाच्या बळी ठरल्या होत्या. त्याशिवाय १५ ते २५ या वयोगटातील युवकांरपैकी जवळपास ३५ टक्के युवकांना अश्लील, उद्यपीत करणारी छायाचित्रे पाठवण्यात आली होती. प्रश्नावलीच्या अभ्यासातून ऑनलाइन लैंगिक छळ ही सामान्य बाब होत असल्याचे समोर आले. या ऑनलाइन लैंगिक छळाच्या सर्वाधिक बळी महिलाच ठरल्या आहेत.

वाचा: बोंबला...! हॅकर्सने सेक्स टॉय हॅक केल्याने झाली 'ही' अडचण

वाचा: हुकूमशहा किम जोंग चक्क रडले; जनतेची माफी मागितली!
दरम्यान, स्कॉटलंडने ऑनलाइन लैंगिक छळ रोखण्यासाठी पावले उचलली आहेत. अशाप्रकारचे कृत्य हे कायदेशीर गुन्हा असल्याचे २०१० मध्ये जाहीर करण्यात आले. तर, अमेरिकेतील टेक्सास राज्याने मागील वर्षी अश्लील छायाचित्रे पाठवल्यास ५०० डॉलरचा दंड जाहीर केला.