रशिया: विद्यापीठात अंदाधुंद गोळीबार; आठ ठार, सहा जखमी

मॉस्को: रशियातील एका विद्यापीठात एका अज्ञाताने अंदाधुंद गोळीबार केला. या गोळीबारात आठ जण ठार झाले आहेत. पर्म स्टेट विद्यापीठात झालेल्या या गोळीबारातून वाचण्यासाठी अनेक विद्यार्थ्यांनी खिडकीतून उड्या मारल्या. या घटनेचा व्हिडिओ व्हायरल होत आहे. या गोळीबारात सहा जण जखमी झाल्याचे वृत्त आहे.

रशियन माध्यमांनी दिलेल्या माहितीनुसार, हल्लेखोराची ओळख पटली आहे. हल्लोखोराचे नाव टिमूर बेकमॅन्सुरोव असून तो १८ वर्षांचा होता. घटनास्थळी झालेल्या कारवाईत तो ठार झाला आहे. व्हायरल होणाऱ्या एका व्हिडिओत एक व्यक्ती शस्त्र घेऊन पर्म शहरातील विद्यापीठातील इमारतीजवळ जाताना दिसत आहे. पर्म शहर हे राजधानी मॉस्कोपासून ७०० मैल अंतरावर आहे.

चिंताजनक! अमेरिकेत पहिल्यांदाच जन्मदरापेक्षा मृत्यूदर अधिक



रशिया: निवडणुकीत पुतीन यांच्या पक्षाचा विजय; कम्युनिस्टांचीही ताकद वाढली

रशियन माध्यमांनी दिलेल्या वृत्तानुसार, या गोळीबारात आठ जण ठार झाले असून सहा जण जखमी आहेत. काही विद्यार्थ्यांनी या गोळीबारापासून वाचण्यासाठी खिडकीतून उड्या मारल्या. तर, काही विद्यार्थ्यांनी आपला जीव वाचवण्यासाठी वर्गखोल्यांमध्ये, सभागृहात स्वत:ला कोंडून घेतले. पोलिसांनी दिलेल्या माहितीनुसार, हल्लेखोर हा त्याच विद्यापीठाचा विद्यार्थी आहे.