मटा ऑनलाइन वृत्त । न्यूयॉर्क
'रिपब्लिकन पक्षाचे नेते डोनाल्ड ट्रम्प हे अमेरिकेचे ४५ वे राष्ट्राध्यक्ष म्हणून निवडून आले असताना ते आमचे राष्ट्राध्यक्ष नाहीत', अशी जोरदार घोषणाबाजी करीत अमेरिकेतील हजारो नागरिक रस्त्यावर उतरले आहेत. हिलरी क्लिंटन यांचा पराभव व ट्रम्प यांचा विजय अनेकांना रुचला नसल्याचे यावरुन दिसत आहे.
अमेरिकेतील बोस्टनपासून ते लॉस एंजेलिसपर्यंत हजारो जण रस्त्यावर उतरले असून डोनाल्ड ट्रम्प यांच्याविरोधात मोर्चे व आंदोलनातून घोषणाबाजी करीत आहे. डोनाल्ड ट्रम्प हे अमेरिकेला पुढे नेण्याऐवजी मागे घेऊन जातील, अशी भीती व्यक्त करीत ट्रम्प यांच्याविरोधातील आंदोलनात महिला, पुरुष, विद्यार्थी मोठ्या प्रमाणात सहभागी झाले आहेत. हिलरी क्लिंटन यांना पाठिंबा देणाऱ्या असंख्य लोकांनी डेमोक्रॅटिक पक्षाचे वर्चस्व असलेल्या भागांमध्ये या रॅली, मोर्चा, आंदोलनांचे आयोजन केले आहे. न्यूयॉर्कमध्ये ट्रम्प यांच्या निषेधार्थ आयोजित रॅलीत पाच हजार जण सहभागी झाले होते, अशी माहिती अमेरिकन पोलिसांनी दिली.
निवडणूक प्रचारादरम्यान ट्रम्प यांनी कट्टरतावादी विचारधारा, महिलाविरोधी वक्तव्य, मुस्लिम आणि स्थलांतरितांना विरोध असे विविध मुद्दे मांडले होते. त्यांच्या या भूमिकेवर अमेरिकेसह जगभरातून टीका करण्यात आली होती. ट्रम्प यांचा झालेला विजय अनपेक्षीत आहे. निवडणुकीचा निकाल बघून मला धक्काच बसला. ट्रम्प हे अनेकांना तुरुंगात धाडतील, अशी भीती एका आंदोलकाने व्यक्त केली. एक देश म्हणून आम्हाला पुढे जायचे होते. पण आम्ही पुढे जाण्याऐवजी मागे पावले टाकत आहोत. आता आपण सर्वांनी एकत्र येऊन देश पुढे जाईल हे निश्चित केले पाहिजे अशी प्रतिक्रिया एका महिला आंदोलकाने व्यक्त केलीय.
सियाटेलमधील रॅलीत गोळीबार
ट्रम्प यांच्याविरोधात पुकारण्यात आलेल्या रॅलीत गोळीबार झाल्याचे वृत्त आहे. वृत्त एजन्सी 'रॉयटर्स'ने दिलेल्या माहितीनुसार, अमेरिकेतील सियाटेल शहरात ट्रम्प यांच्या विरोधात काढण्यात आलेल्या रॅलीवर गोळीबार केला. यात पाच जण जखमी झाले असून त्यांच्यावर हॉस्पिटलमध्ये उपचार करण्यात येत आहेत, अशी माहिती पोलिसांनी दिली.
'रिपब्लिकन पक्षाचे नेते डोनाल्ड ट्रम्प हे अमेरिकेचे ४५ वे राष्ट्राध्यक्ष म्हणून निवडून आले असताना ते आमचे राष्ट्राध्यक्ष नाहीत', अशी जोरदार घोषणाबाजी करीत अमेरिकेतील हजारो नागरिक रस्त्यावर उतरले आहेत. हिलरी क्लिंटन यांचा पराभव व ट्रम्प यांचा विजय अनेकांना रुचला नसल्याचे यावरुन दिसत आहे.
अमेरिकेतील बोस्टनपासून ते लॉस एंजेलिसपर्यंत हजारो जण रस्त्यावर उतरले असून डोनाल्ड ट्रम्प यांच्याविरोधात मोर्चे व आंदोलनातून घोषणाबाजी करीत आहे. डोनाल्ड ट्रम्प हे अमेरिकेला पुढे नेण्याऐवजी मागे घेऊन जातील, अशी भीती व्यक्त करीत ट्रम्प यांच्याविरोधातील आंदोलनात महिला, पुरुष, विद्यार्थी मोठ्या प्रमाणात सहभागी झाले आहेत. हिलरी क्लिंटन यांना पाठिंबा देणाऱ्या असंख्य लोकांनी डेमोक्रॅटिक पक्षाचे वर्चस्व असलेल्या भागांमध्ये या रॅली, मोर्चा, आंदोलनांचे आयोजन केले आहे. न्यूयॉर्कमध्ये ट्रम्प यांच्या निषेधार्थ आयोजित रॅलीत पाच हजार जण सहभागी झाले होते, अशी माहिती अमेरिकन पोलिसांनी दिली.
निवडणूक प्रचारादरम्यान ट्रम्प यांनी कट्टरतावादी विचारधारा, महिलाविरोधी वक्तव्य, मुस्लिम आणि स्थलांतरितांना विरोध असे विविध मुद्दे मांडले होते. त्यांच्या या भूमिकेवर अमेरिकेसह जगभरातून टीका करण्यात आली होती. ट्रम्प यांचा झालेला विजय अनपेक्षीत आहे. निवडणुकीचा निकाल बघून मला धक्काच बसला. ट्रम्प हे अनेकांना तुरुंगात धाडतील, अशी भीती एका आंदोलकाने व्यक्त केली. एक देश म्हणून आम्हाला पुढे जायचे होते. पण आम्ही पुढे जाण्याऐवजी मागे पावले टाकत आहोत. आता आपण सर्वांनी एकत्र येऊन देश पुढे जाईल हे निश्चित केले पाहिजे अशी प्रतिक्रिया एका महिला आंदोलकाने व्यक्त केलीय.
सियाटेलमधील रॅलीत गोळीबार
ट्रम्प यांच्याविरोधात पुकारण्यात आलेल्या रॅलीत गोळीबार झाल्याचे वृत्त आहे. वृत्त एजन्सी 'रॉयटर्स'ने दिलेल्या माहितीनुसार, अमेरिकेतील सियाटेल शहरात ट्रम्प यांच्या विरोधात काढण्यात आलेल्या रॅलीवर गोळीबार केला. यात पाच जण जखमी झाले असून त्यांच्यावर हॉस्पिटलमध्ये उपचार करण्यात येत आहेत, अशी माहिती पोलिसांनी दिली.