ब्रिटनच्या संसदेबाहेर गोळीबार; अनेक जखमी

मटा ऑनलाइन वृत्त । लंडन

लंडनमधील संसदेच्या इमारतीबाहेर दोन हल्लेखोरांनी अंदाधुंद गोळीबार केला असून त्यात बारापेक्षा अधिक लोक जखमी झाले आहेत. सुरक्षा रक्षकांनी दोन्ही हल्लेखोरांना ठार केले असून संसेदेची इमारत तत्काळ बंद करण्यात आली आहे. दरम्यान, हा दहशतवादी हल्ला असल्याचे लंडन पोलिसांनी म्हटले आहे.

संसदेचं कामकाज सुरू असतानाच हा हल्ला झाल्याने खळबळ उडाली आहे. पंतप्रधान थेरेसा मे यांच्यासह सर्व सदस्य सुखरूप असल्याचे ब्रिटिश सरकारच्या प्रवक्त्याने स्पष्ट केले आहे.

प्रत्यक्षदर्शींनी या हल्ल्याबाबत वृत्तसंस्थांना तपशील दिला आहे. संसेदपासून जवळच असलेल्या वेस्टमिनिस्टर ब्रीजवर आपण किमान १२ जखमींना पाहिल्याचे रॉयटर्सच्या फोटोग्राफरने सांगितले तर एका हल्लेखोराला संसदेबाहेर तैनात असलेल्या सशस्त्र पोलिसाने ठार मारल्याची माहिती सभागृहाचे नेते डेव्हिड लिडींग्टन यांनी दिली. एका पोलिसाला चाकूने भोसकल्याचेही सांगण्यात येत आहे. स्थानिक वेळेनुसार दुपारी २.४० वाजता हा हल्ला झाला.


#WATCH Shooting outside UK Parliament. (rescue visuals from Westminster Bridge) pic.twitter.com/fCVCBudxm1 — ANI (@ANI_news) March 22, 2017