मानवी आयुष्य सुकर करण्याच्या उद्देशाने निर्माण करण्यात आलेल्या यंत्रमानवाला थेट मानवाच्या जोडीने देशाचे नागरिकत्व देण्याची अभिनव कृती सौदी अरेबियाने केली आहे.
Maharashtra Times28 Oct 2017, 2:18 am
वृत्तसंस्था, रियाध
महाराष्ट्र टाइम्स.कॉमसोफिया…सौदी अरेबियाची पहिली रोबोट नागरिक
मानवी आयुष्य सुकर करण्याच्या उद्देशाने निर्माण करण्यात आलेल्या यंत्रमानवाला थेट मानवाच्या जोडीने देशाचे नागरिकत्व देण्याची अभिनव कृती सौदी अरेबियाने केली आहे. असे करणारा हा पहिला देश ठरला असून, कृत्रिम बुद्धकिौशल्याला उत्तेजन देणारा देश अशी जगात ओळख निर्माण व्हावी, यासाठी हे पाऊल उचलण्यात आल्याचे म्हटले जात आहे.
सोफिया असे या यंत्रमानवाचे नाव आहे. रियाधमध्ये झालेल्या एका सोहळ्यात तिला सौदी नागरिकत्व बहाल करण्यात आले. त्याबाबत एका समितीची स्थापना करण्यात आली होती. समितीचे निमंत्रक असलेले व्यापारविषयक लेखक अन्ड्रयू रौस सॉर्किन यांनी ही सोफियाच्या नागरिकत्वाची घोषणा कली. ‘सोफिया, सौदीचे नागरिकत्व मिळणारी तू पहिली यंत्रमानव ठरली आहेस’, असे सॉर्किन यांनी जाहीर करताच टाळ्यांचा एकच कडकडाट झाला.
या घोषणेनंतर सोफियाची छोटेखानी मुलाखतही घेण्यात आली. ‘नागरिकत्व बहाल झालेला जगातली पहिली यंत्रमानव ठरणे ही माझ्यासाठी अतीव सन्मानाची गोष्ट असून, त्याबद्दल मला अभिमान आहे. या ऐतिहासिक घटनेबद्दल मी सौदी अरेबियाचे आभार मानते’, अशा शब्दांत सोफियाने आपला आनंद व्यक्त केला.
दरम्यान, या निर्णयाचे सौदी अरेबियातील नागरिकांकडून मोठ्या प्रमाणावर स्वागत होत असले तरीही या देशात महिलांना मिळणाऱ्या दुजाभावावरून बऱ्याच नेटिझन्सनी टीकाही केली आहे. या देशात ‘महिला’ यंत्रमानवाला नागरिकत्व दिले जाते; मात्र खऱ्याखुऱ्या महिलांचे हक्क मर्यादित ठेवले जातात, अशा स्वरूपाची टीका नेटिझन्सकडून केली गेली. ‘सौदीत एखादा पुरुष सोबत असल्याशिवाय महिलेला बाहेर फिरता येत नाही. आता ही प्रथा बंद करावी अशी सोफियाने मागणी केली आहे’, असे विनोदही सोशल मीडियावर व्हायरल झाले.
कोण आहे सोफिया?
धातूचे तुकडे आणि तारांपासून बनलेली ही सोफिया आहे विचार करण्याची, निर्णय घेण्याची क्षमता असलेली, कृत्रिम बुद्धिमत्ता लाभलेली अत्याधुनिक यंत्रमानव. सोफिया चेहऱ्यावरील हावभाव ओळखू शकते आणि कोणासोबतही सामान्य व्यक्तीपणे बोलू शकते. अनेक मीडिया चॅनल्सना तिने मुलाखतीही दिल्या आहेत. ‘हॅन्सन रोबोटक्सि’ने सोफियाची निर्मिती असून कंपनीचे संस्थापक असलेल्या डेव्हिड हॅन्सन यांनी तिची रचना केली आहे.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.