डिलिव्हरी बॉय एका झटक्यात कसा काय झाला करोडपती; २ कोटींची गाडी, दुबईला बंगला...

लंडन : 'देने वाला जब भी देता देता छप्पर फाड के' ही म्हण आपल्या सगळ्यांनाच माहिती असेल. पण अनेक हे खरं होताना पाहायला मिळतं. आताही एक असाच प्रकार समोर आला आहे. एका अॅमेझॉन डिलिव्हरीने कित्येक वर्ष मेहनत करून ६६ हजार रुपयांची बचत केली. पण यानंतर त्याला असा काही जॅकपॉट लागला की आता करोडपती आहे.

मिळालेल्या माहितीनुसार, कॅफ भट्टी असे या व्यक्तीचे नाव आहे. तो मूळचा ब्रिटनची राजधानी लंडनच्या वेस्ट ड्रायटनचा आहे. त्याच्या परिस्थिमुळे त्याला प्रत्येक वेळी अपमान सहन करावा लागला. पण देवाच्या मनात काही औरच होतं, असं कॅफ सांगतो. २०१७ मध्ये विद्यापीठातून पदवीचे शिक्षण पूर्ण केल्यानंतर त्याने अॅमेझॉनसाठी डिलिव्हरी बॉय म्हणून काम करण्यास सुरुवात केली. तो दिवसाचे १४ तास काम करायचा. या कामामुळे कॅफ वैतागला होता. अशात त्याच्या आयुष्यात चमत्कार झाला.

Terror Attack Threat: मुंबई उडवण्याची धमकी देणाऱ्या नंबरवर रिपोर्टरने केला फोन; पाकिस्तानात माळीला लागला...
यानंतर कॅफने आयुष्यात काहीतरी करण्याचं ठरवलं आणि त्याने मोठी रिस्क घेतली. त्याने आपली सर्व बचत क्रिप्टोकरन्सीमध्ये गुंतवली. त्यानंतर त्याने 'व्हर्ज' नावाच्या नाण्यामध्ये तब्बल ६६ हजार रुपये गुंतवले. बघता-बघता काही नाण्याच्या किमतीत प्रचंड वाढ झाली. या गुंतवणुकीतून त्याला २८ लाख रुपये मिळाले. यानंतर त्याने अॅमेझॉनची नोकरी सोडली. मला इतके पैसे मिळतील असं कधीच वाटलं नाही असंही कॅफ म्हणाला.

तो पुढे म्हणाला की, ही एक अद्भुत अनुभूती होती. यामुळे मला माझ्या क्षमतेची जाणीव झाली. त्यानंतर मी क्रिप्टोबद्दल अधिक माहिती गोळा करत गेलो. तेव्हाच मी ठरवलं की मला आणखी पैसे कमवायचे आहेत. यासाठी मी विचार केला. सुदैवाने, त्याच्या कामात प्रगतीच होत गेली. Amazon सोडल्यानंतर काही महिन्यातच त्याने इतका पैसा कमवला की सुमारे ५ कोटी रुपये कमावले आणि एका वर्षानंतर त्याची कमाई दुप्पट झाली.

घटस्फोटीत महिलेवर व्यावसायिक झाला फिदा, लग्न केलं युरोपला नेलं पण परत येताच पायाखालची जमीन सरकली
करोडपती झाल्यानंतर कॅफ दुबईला शिफ्ट झाला. आता तो त्याच्या स्वप्नातलं आयुष्य जगत आहे. इथे त्याने स्वतःसाठी ४ कोटी रुपयांना एक पेंटहाऊस अपार्टमेंट आणि सुमारे २ कोटी रुपयांची मर्सिडीज जी वॅगन कार खरेदी केली आहे.