मच्छरांच्या थुंकीपासून सुपर लस; संसर्गजन्य आजारावर प्रभावी ठरणार!

वॉशिंग्टन: मच्छरांचा त्रास आणि त्याच्यांपासून होणाऱ्या आजारांमुळे अनेकजण हैराण होतात. मच्छरांपासून वेगवेगळ्या आजारांचा त्रास होतो. मच्छरांपासून तयार होणाऱ्या या सर्व आजारांवर लस शोधण्यासाठी प्रयत्न सुरू असून त्यासाठी मच्छरांच्या लाळेचा वापर करण्यात येणार आहे.

'राउटर्स' या वृत्तसंस्थेने याबाबतचे वृत्त दिले आहे. मच्छरांच्या लाळेत असणाऱ्या एका प्रोटीनच्या मदतीने ही लस तयार करण्यासाठी प्रयत्न सुरू आहेत. ही लस बनवण्यास यश आल्यास मानवी शरीरात विषाणूंपासून होणाऱ्या आजारापासून सुटका होणार आहे. यामध्ये डेंग्यू, मलेरिया, चिकनगुनिया, जीका, मायरो, यलो फिव्हर आदी आजारांपासून माणसांचा बचाव करता येणार आहे. विज्ञानविषयक नियतकालिक 'लान्सेट'मध्ये याबाबचे संशोधन प्रकाशित झाले आहे. जेसिका मॅनिंग यांनी हा शोधनिबंध लिहीला आहे. मच्छराच्या लाळेपासून तयार करण्यात आलेल्या लसीची पहिली क्लिनिकल ट्रायल झाली आहे. लाळेच्या तुषारांपासून तयार झालेली लस Anopheles सुरक्षित असल्याचे यात म्हटले आहे. यामुळे अॅण्टीबॉडीची निर्मिती होत असल्याचे म्हटले आहे. आणखी एक संशोधक मायकल मॅकक्रॅकनन यांनी सांगितले अद्याप हे संशोधन प्राथमिक अवस्थेत आहे.

वाचा: खरंच की काय...सर्दीमुळे तुम्ही राहू शकता करोनापासून सुरक्षित?
वाचा: अॅण्टीबॉडी औषधाची मानवी चाचणी सुरू; 'या' महिन्यात येणार औषध!
पृथ्वीवर मच्छर सर्वात धोकादायक कीटक आहे. फक्त मलेरियाच्या आजारामुळे दरवर्षी चार लाखजणांना प्राण गमवावे लागत असल्याचे मॅकक्रॅकन यांनी सांगितले. गरीब देशांना याचा मोठा फटका बसतो. या देशांमध्ये आरोग्य व्यवस्थाही चांगली नसते. लस निर्मितीदेखील करण्यात येत नाही. करोना संसर्गाचा हाहाकार सुरू असताना जगातील अनेक संशोधकांनी संसर्गजन्य आजारावर लक्ष केंद्रीत केले आहे. मच्छरांपासून फैलावणाऱ्या आजारांना अटकाव करण्याचे प्रयत्न सुरू आहेत.

आणखी वाचा:
गायीच्या मदतीने होणार करोनाबाधितांवर उपचार!
काय सांगता...मांजरीवरील औषधाने केला करोनाचा खात्मा!