सामूहिक बलात्कार फेसबुकवर केला Live

मटा ऑनलाइन वृत्त । स्वीडन

स्वीडनच्या उप्पसलामध्ये तरुणीवरील सामूहिक बलात्काराची घटना फेसबुकवर लाइव्ह दाखवल्याचं समोर आलं आहे. या प्रकरणी लाइव्ह स्ट्रिमिंगद्वारे मिळालेल्या माहितीतून पोलिसांनी तिघांना अटक केली आहे. तिघांना शनिवारी रात्री उप्पसलामधील एका अपार्टमेंटमध्ये पकडण्यात आलं.

एका फेसबुक ग्रुपद्वारे सामूहिक बलात्काराचे लाइव्ह स्ट्रिमिंग करण्यात आले होते. या प्रकरणी पोलिसांनी तपास सुरू केला आहे. मात्र पोलिसांनी याबाबत कुठलीही माहिती दिलेली नाही. ही एक वाईट चेष्टा आहे असं मला सुरुवातीला वाटलं होतं, असं लाइव्ह स्ट्रिमिंग बघणाऱ्या एका व्यक्तिने सांगितलं. 'अफ्तॉनब्लोदेत' नावाच्या एका स्थानिक वृत्तपत्राने हे वृत्त दिले आहे. घटनेनंतर माहिती मिळवत पोलिसांनी लगेचच कारवाई सुरू केली, असं 'द लोकल' न्यूज वेबसाइटने आपल्या वृत्तात म्हटलं आहे.