काबूल: पाकिस्तानविरोधात अफगाण नागरिक संतप्त; तालिबानचा आंदोलकांवर गोळीबार

काबूल: अफगाणिस्तानमध्ये पाकिस्तान करत असलेल्या हस्तक्षेपाविरोधात अफगाण नागरिकांनी सोमवार रात्रीपासून निदर्शने, घोषणाबाजी सुरू केली. मंगळवारीदेखील काबूलमध्ये पाकिस्तानविरोधात आणि आयएसआय प्रमुखांविरोधात शेकडोजण रस्त्यांवर उतरले. तालिबानने आंदोलकांना पांगवण्यासाठी गोळीबार केला.

स्थानिक माध्यमांनी दिलेल्या वृत्तानुसार, पाकिस्तानविरोधात घोषणाबाजी करत मोर्चा काढणाऱ्या जमावाविरोधात राष्ट्रपती भवनजवळ तालिबानने गोळीबार केला. या ठिकाणी मोठ्या संख्येने आंदोलक जमले होते. राष्ट्रपती भवनजवळ काबूल सेरेना हॉटेल आहे. याच ठिकाणी पाकिस्तानची गुप्तचर संस्था आयएसआयचे प्रमुख मागील काही दिवसांपासून वास्तव्यास आहेत.

तालिबानकडून सरकार स्थापन सोहळ्याचे आमंत्रण; चीन, रशियाने घेतली 'ही' भूमिका

तालिबानींनी काही पत्रकारांवरही दडपशाही केल्याचे वृत्त आहे. या आंदोलनाचे वार्तांकन करणाऱ्या पत्रकार, कॅमेरामन यांना ताब्यात घेण्यात आले आहे. अफगाणिस्तामध्ये मागील एक दोन दिवसांपासून पाकिस्तानविरोधात आंदोलन होत आहे.



हिंदी महासागरात 'ड्रॅगन' वाढवतोय वर्चस्व; भारताची डोकेदुखी वाढली!




पाकिस्तानने पंजशीरमध्ये तालिबानविरोधी गटांवर ड्रोन हल्ले केले होते. त्याशिवाय पाकिस्तानचा अफगाणिस्तानमध्ये हस्तक्षेप सुरू आहे. त्यानंतर स्थानिक अफगाण नागरिकांनी संताप व्यक्त करत आंदोलन सुरू केले आहे. या आंदोलनात महिलांचाही मोठ्या प्रमाणावर सहभाग आहे.