कोंबडीवर लैंगिक अत्याचार, युवक अटकेत

मटा ऑनलाइन वृत्त। कराची

एका कोंबडीवर कथित लैंगिक अत्याचार केल्याच्या आरोपाखाली एका युवकाला अटक करण्यात आली आहे. पाकिस्तानच्या पंजाब प्रांतात असलेल्या हफीजाबादमध्ये हा प्रकार घडला आहे.

या घटनेबाबत स्थानिक पोलिसांनी दिलेल्या माहितीनुसार, ही घटना शनिवारी ११ नोव्हेंबरला जलालपूर भट्टीजवळ घडली. द एक्स्प्रेस ट्रीब्यूनने याबाबत दिलेल्या वृत्तानुसार, कोंबडीच्या मालकाने या १४ वर्षीय युवकाविरुद्ध पोलिसात तक्रार केली.

कोंबडीच्या मालकाने तक्रार केल्यानंतर पोलिसांनी या युवकाला अटक केली. आपल्या घरातून कोंबडी पळवून नेत या युवकाने कोंबडीवर अत्याचार केला असे मालकाचे म्हणणे आहे.