प्रेयसीला खूष करण्यासाठीची आयडिया जीवावर; प्रियकर रुग्णालयात दाखल

बँकॉक: व्हेलेंटाइन डेच्या निमित्ताने प्रेयसीला खूष करण्यासाठी अनेकजण वेगवेगळे मार्ग अवलंबतात. थायलंडमध्ये एक धक्कादायक प्रकार समोर आला आहे. आपल्या प्रेयसीला 'आकर्षक' दिसण्यासाठीचा उपाय प्रियकराच्या जीवावर बेतला असता. या प्रियकराने एक बोल्ट आपल्या गुप्तांगावर चढवले. या बोल्टमुळे त्याच्या गुप्तांगाला सूज आली आणि रुग्णालयात दाखल करावे लागले.

रुग्णालयातील डॉक्टरही हा प्रकार पाहून चक्रावले गेले. डॉक्टरांनी बोल्ट कटरचा वापर करून गुप्तांगात अडकलेला बोल्ट काढला. या प्रियकराने डॉक्टरांना सांगितले की, लिंगाची लांबी वाढवण्यासाठी त्याने हा बोल्ट घातला होता. जेणेकरून व्हेलेंटाइनच्या दिवशी त्याची प्रेयसी खूष होईल. मात्र, त्याची ही आयडिया त्याच्या जीवावरच बेतली. डॉक्टरांना हा बोल्ट काढण्यासाठी कटरचा वापर करावा लागला.

वाचा: बापरे! ६८ वर्षानंतर तुरुंगातून सुटका, 'या' वर्षी झाली होती तुरुंगवासाची शिक्षा

लिंगाचा आकार वाढवण्याचा दावा करणारे वैद्यकीय उत्पादने बाजारात उपलब्ध आहेत. मात्र, या माथेफिरू प्रियकराने आपल्या टूलबॉक्समधील ३ सेंटीमीटरचा बोल्ट काढला आणि गुप्तांगावर घातला. बोल्ट घालण्यासाठी त्याने बेबी ऑईल आणि लुब्रिकेंटचा वापर केला. शुक्रवारी त्याने बोल्ट घातला होता. तर, शनिवारी गुप्तांगावर सूज आली असल्याचे त्याचे लक्षात आले.

वाचा: मशिदीत बॉम्ब बनवण्याच्या प्रशिक्षणात स्फोट; ३० दहशतवादी ठार

वाचा: काय रे देवा! पुजाऱ्याने मंदिरातील दागिने ठेवले गहाण; रक्कम परदेशी पाठवली
पीडित प्रियकराने आपल्या गुप्तांगावर असलेला बोल्ट काढण्याचा प्रयत्न केला. मात्र, त्याला अपयश आले. अखेर त्याला रविवारी रात्री आपात्कालीन सेवेला बोलवावे लागले. दोन दिवस बोल्ट त्याच्या गुप्तांगावर अडकले होते. गुप्तांगाची नस फाटेल अशी भीतीही त्याला वाटली होती. उपचार करणाऱ्या डॉक्टरांनी हा बोल्ट कापून गुप्तांगापासून वेगळा केला. बोल्ट निघाल्यामुळे या प्रियकराचा जीव भांड्यात पडला.