कमोडवर नैसर्गिक विधीसाठी बसला पण सापाने गुप्तांगावर चावा घेतला!

बँकाक: कोणी कल्पना करू शकत नाही अशा गंभीर गोष्टी घडत असतात. शौचासाठी कमोडवर बसलेल्या युवकाच्या गुप्तांगाला सापाने चावा घेतल्याची धक्कादायक घटना समोर आली आहे. या युवकावर रुग्णालयात उपचार सुरू असून शिश्नाला तीन टाके पडले आहेत.

थायलंडची राजधानी असलेल्या बँकॉकपासून १३ मैल अंतरावर असलेल्या ठिकाणी ही धक्कादायक घटना घडली. जखमी युवक सिराफोप मसुकारत हा १८ वर्षाचा तरूण शौचालयात केला होता. कमोडवर बसलेल्या या तरूणाच्या गु्प्तांगात अचानक दुखू लागले. त्याने ज्या वेळेस गुप्तांगाकडे पाहिले तेव्हा त्याला धक्काच बसला. त्याच्या गुप्तांगाला सापाने पकडून ठेवले होते. हे पाहून धक्का बसलेल्या सिराफोप तात्काळ तेथून बाहेर पडला. आईसोबत त्याने नजीकचे बांग येई रुग्णालय गाठले. डॉक्टरांनी तात्काळ उपचार सुरू करत जखमेतून वाहणारे रक्त थांबवले. डॉक्टरांनी सिराफोपच्या शिश्नाला तीन टाके लावले आहे. त्याशिवाय सापाच्या विषाचा परिणाम होऊ नये यासाठीही अॅण्टीबायोटिकही दिले आहे.

वाचा: अरेरे! मालवाहतूक करणारे जहाज समुद्रात बुडाले; ५८०० गायींचा मृत्यू

डेली मेलने दिलेल्या वृत्तानुसार, या घटनेमुळे सिराफोपने सांगितले की, शौच करण्यासाठी कमोडवर बसलो होतो. त्यावेळी गुप्तांगात अचानक दुखू लागले. त्यावेळी मी खाली पाहिले तेव्हा धक्काच बसला. एक साप त्यावेळी तिथे होता. त्यानंतर जखमेतून रक्त येत असल्याचे समोर आले. साप लहान होता. मात्र, त्याने गुप्तांगाचा चावा घेतला होता. त्यानंतर साप पकडणाऱ्यांना बोलवले.

पाहा: अबब! महिलेच्या तोंडातून काढला चार फुटांचा साप

त्यावेळीही साप कमोडमध्येच आढळला. साप हा जवळपास चार फूट लांबीचा होता. सापाला पकडून जंगलात सोडण्यात आले. या घटनेमुळे जखमी सिराफोपच्या आईला धक्का बसला आहे. हा साप आमच्या घरात कसा शिरला याची माहिती नाही. नाल्याच्या माध्यमातून शौचालयात आला असावा अशी शंका त्यांनी व्यक्त केली. सापामुळे माझा मुलगा जखमी झाला. मात्र, हा विषारी साप नसल्याचे त्यांनी सांगितले.