संसदेत तरुणींची नग्न छायाचित्र पाहत होता खासदार; कारण ऐकाल तर हैराण व्हाल!

बँकॉक: लोकप्रतिनिधी सभागृह असलेल्या संसदेत लोकांच्या प्रश्नांबाबत चर्चा होणे, कायदे निर्मिती करणे, जनतेच्या प्रश्नांना वाचा फोडावी अशी अपेक्षा खासदार, लोकप्रतिनिधींकडून असते. मात्र, काही वेळेस संसदेत अशा घडामोडी होतात की त्यामुळे खासदाराची आणि संबंधित पक्षाची मान शरमेने झुकते. थायलंडच्या संसदेत एक खासदार आपल्या मोबाइलमध्ये काही तरुणींची नग्न छायाचित्र पाहत होता. हे काही पत्रकारांनी पाहिले आणि सभागृहाबाहेर याबाबत विचारल्यानंतर या खासदार महोदयांनी दिलेले उत्तर ऐकाल तर हैराण व्हाल.

गुरुवारी थायलंडच्या संसदेत अर्थसंकल्पावर चर्चा होणार होती. त्यामुळे खासदार अर्थसंकल्पाशी निगडीत दस्ताऐवज पाहत होते. त्याच वेळेस सत्ताधारी पक्षाचे खासदार रोन्नाथेप अनुवत हे फोनवर काहीतरी पाहत होते. ही बाब वार्ताहर कक्षात बसलेल्या काही पत्रकारांच्या लक्षात आली. त्यांनी या खासदार महोदयाचे मोबाइलमधून फोटो काढले. हे फोटो झूम करून पाहिल्यानंतर त्यांना धक्काच बसला. खासदार संसदेत चक्क काही नग्न तरुणींचे फोटो पाहत असल्याचे त्यांच्या लक्षात आले.

वाचा: 'या' देशात मोठा निर्णय; बलात्कार करणाऱ्याला नपुंसक करणार

सत्ताधारी पक्षाच्या या खासदार महोदयांना याबाबत पत्रकारांनी सभागृहाबाहेर विचारले असताना त्यांनी आपण न्यूड फोटो पाहत होतो ही बाब मान्य केली. मात्र, आपला उद्देश्य वेगळा असल्याचे त्यांनी सांगितले. खासदार रोन्नाथेप अनुवत यांनी सांगितले की, मला या तरुणींनी मदत आणि पैसे मागण्यासाठी हे फोटो पाठवले होते. मी या फोटोत मुलींच्या आजूबाजूला दिसणाऱ्या वस्तू निरखून पाहत होतो. जेणेकरून या तरुणींच्या जीवाला धोका नाही ना, याची खातरजमा करत होतो.

वाचा: अरेच्चा! विवस्त्र होऊन २०० कैदी फरार; सैन्य पाहातच बसले!

या मुली एखाद्या गुंडांच्या ताब्यात असू शकतात अशी शक्यता वाटत होती. मात्र, या मुली आपल्या पैसे मागण्यासाठीच पैसे मागत आहेत, अशी खात्री झाल्यानंतर ते फोटो डिलीट केले असल्याचे स्पष्टीकरण त्यांनी दिले. हे प्रकरण माध्यमांनी लावून धरल्यानंतर आता सरकारने त्यांच्याकडून स्पष्टीकरण मागितले आहे. याआधीदेखील २०१२ मध्ये एका खासदार संविधान दुरुस्ती विधेयका दरम्यान पॉर्न पाहत असताना आढळला होता.

वाचा: अरेरे! पाळीव श्वानाने १२ दिवसाच्या बालकाचे घेतले प्राण

भारतातही अशाच प्रकारची घटना समोर आली होती. कर्नाटक विधानसभेत दोन मंत्री स्मार्टफोनवर पॉर्न क्लिप पाहत असल्याचे समोर आले होते. त्याशिवाय, २०१५ मध्ये ओदिशा विधानसभेत एक आमदारही पॉर्न पाहत असताना आढळला होता.